PROVERBIOS 8:34 - Biblia Guarani Tumpa Iñee

³⁴ Oyerovia ko jókuae oyeapɨsaka cheré vae, jare ara ñavo cheräro chero jöke pe vae.

PROVERBIOS 8:34 ပူးပေါင်းရင်းမြစ်များ

1 REYES 10:8

¡Oyerovia katu ko aipo ndeɨvɨrigua kuimbae reta, oyekou ko aipo ara ñavo ñogüɨnoi avei nderóvai vae reta, oendu ndearakuaa katu vae reta!

SALMOS 27:4

Metei mbae aiporu yandeYa pe, jaeño kuae aipota vae: Aï vaerä yandeYa itupao pe, opaete ara aikove aiko ramboeve, amae vaerä yandeYa ipöra re, amboete vaerä itupao pe.

SALMOS 84:10

¡Echa ikavi yae ko aï vaerä metei ara nderoka pe, jeta ara ikatu rupi aiko vae güi! Ikavi ko aiparavo aiko vaerä tupao jöke järoarä mbaeyoa ipɨte pe aiko vae güi.

SALMOS 92:13

Temitɨ rami ñogüɨnoi yandeYa jo pe, yandeYa jo joka pe ipotɨ reta.

ÉXODO 12:7

Jare tomboɨru reta jugüɨ, jare toipichɨ reta jöke iyɨke re ɨvɨra oï yoyavi vae re jare vi ɨvɨra öke iárambo rupi oyepɨasa oï vae re, jókuae o pe okaru retataa pe.

PROVERBIOS 1:21

Osapúkai jeta vae oyemboatɨa rupi, tëta guasu jöke reta rupi, jei:

PROVERBIOS 3:13

Oyerovia ko arakuaa oväe vae, arakuaa katu oväe vae;

PROVERBIOS 3:18

Arakuaa ko tekove, arakuaa oväe vae reta peguarä; ¡oyerovia ko jókuae oipɨɨ iyeupe vae reta!

San Mateo 7:24

Jáeramo, oime kia oyeapɨsaka cheré jare oyapo che jae chupe oyapo vaerä vae yave, tambojaanga metei kuimbae iyarakuaa vae jorä omopüa ita guasu re vae re.

San Lucas 1:6

Kuae reta jupi rupi yogüɨreko Tumpa jóvai. Echa jekuaeño omboyerovia reta Tumpa, oyapo reta yandeYa iporookuai reta vae rupi.

San Lucas 10:39

Marta güɨnoi ipɨkɨɨ María jee vae. Jare María oguapɨ yandeYa iyɨpɨ pe oyeapɨsaka iñee re.

San Lucas 11:28

Ërei Jesús jei: —Oyerovia ko opaete oyeapɨsaka Tumpa iñee re vae reta, jare oyapo jae jei vae reta.

Hechos 2:42

Jare jekuae oporogüɨrovia vae reta oyemboe avei temimondo reta iporomboe re, jare opaete metei ramiño ñogüɨnoi. Oyemboatɨ avei reta, omboyao tembíu oyoupe, jare oyerure Tumpa pe.