PROVERBIOS 8:21 - Biblia Guarani Tumpa Iñee

²¹ Cheraɨu vae reta pe amee mbaeyekou: Jare jo amotɨnɨe mbaembae jepɨ vae pe.

PROVERBIOS 8:21 ပူးပေါင်းရင်းမြစ်များ

GÉNESIS 15:14

Ërei jókuae tëtaguasu oiporaraukata chupe reta vae, che aiporaraukata vi chupe reta; kuae jaɨkue rupi oë reta yeta jeta mbaeyekou ndive.

SALMOS 16:11

Reechaukata cheve tape tekove pegua; reikoa pe oime avei tuichagüe vɨakatu, yerovia katu opambae vae oime ndeɨpɨ pe.

PROVERBIOS 1:13

Ñanoita oipotagüe mbaeyekou, ¡ñamotɨnɨe yandero opaete mbaembae ñapɨ̈rogüe pe!

PROVERBIOS 10:22

YandeYa iporerekua, mbaeyekou ko, ngaraa güeru mbɨatɨtɨ.

PROVERBIOS 15:6

Jupi vae jo pe, jeta mbae güɨnoi, ërei iyoa vae, opa omokañɨtei omonganagüe.

PROVERBIOS 21:20

Yarakuaa vae jo pe, oime mbae jepɨ vae jare mbae ikäti kavi vae, ërei yarakuaambae opa omokañɨtei mbaetɨ oiporu kavi.

PROVERBIOS 24:4

arakuaa kavi rupi o opa oyemboipo, opaete mbaembae jepɨ vae pe jare mbae ikavigüe pe.

PROVERBIOS 6:31

Ërei oyepokou ko yave, omboekoviata opaete jókuae oñomigüe, jare opaeteita omee jo pe mbaembae güɨnoigüe ave.

PROVERBIOS 8:18

Cheré ko oï mbaeyekou jare mboromboete, mbaeyekou opambae jare yembojupi.

PROVERBIOS 8:20

Che aja tape isɨmbi vae rupi, tape ikavigüe rupi.

San Mateo 25:46

Jare kuae reta yogüɨrajata tembiporara opambae pe. Ërei jupi vae reta yogüɨrajata tekove opambae pe.”

Romanos 8:17

Jare yande Tumpa taɨ reta ramo, ñanoita vi yandembaerä jae omeeta yandeve vae. Ñanoita ko yandembaerä Cristo ndive, yaiporara yave jae oiporara rami; jare Tumpa yandemboeteukata Cristo ndive.

Hebreos 10:34

Echa peiparareko tembipɨɨrɨru pe ñogüɨnoi vae reta. Jare ïru vae reta pembaembae opɨ̈ro pegüi yave, peiporara peyerovia katu reve. Echa peikuaa penoi ko ara pe mbaembae ikavigüe opambae.

1 Pedro 1:4

Tumpa oñovatu peve ara pe pembaerä oyemboaimbae vae, ikɨambae jare oikomeguambae. Oñeñovatu oï ara pe peveguarä.

Apocalipsis 21:7

Oporomoamɨri vae pe ameeta imbaerä opaete mbaembae. Che etei aikota jae iTumparä jare jae oikota cheraɨrä.

1 SAMUEL 2:8

Jae güɨnoe paravete vae mbaravete güi, jare jae güɨnoe paravete vae, ɨtɨ oyemomboa pe oyevɨka vae güi, jare omboguapɨ mburuvicha reta ndive omboguapɨ mburuvicha jenda re omboeteuka vaerä; echa yandeYa imbae ko opaete ɨvɨ iguapɨka, jare jese ko omboguapɨ kuae ɨvɨ.