PROVERBIOS 8:13 - Biblia Guarani Tumpa Iñee

¹³ YandeYa güi yaipoɨu vae, jae ko ñaröɨro ikavimbae vae. Che aröɨro ko pɨayemboete, yembotuicha, teko ikavimbae jare apu.

PROVERBIOS 8:13 ပူးပေါင်းရင်းမြစ်များ

JOB 1:1

Ɨvɨ Uz pe oiko metei kuimbae Job jee vae; kuae kuimbae ko jupi, isɨmbi, Tumpa güiño oipoɨu jare oyeandu ikavimbae güi.

JOB 28:28

Mase, arakuaa jae ko yandeYa güi oipoɨu vae, jare arakuaa katu oyembosɨrɨ ikavimbae vae güi vae.

SALMOS 101:3

agüɨye tamae mbae jupimbae re. Aröɨro, jupimbae Tumpa kotɨ vae reta; ¡ngaraai amaeño oya reta cheré!

SALMOS 119:104

Ndeporookuai reta rupi chearakuaa katu yae, jáeramo, aröɨro opaete apu reta.

SALMOS 119:128

Jáeramo ko, amae jese jupi ko opaete ndeporookuai reta, opaete mbaembae reta güi, jare amotareɨ opaete apu reta.

SALMOS 138:6

Yepe tëi mombɨrɨ ɨvate reï, reyangareko paravete vae re, ërei mombɨrɨ güi reecha ko ipɨayemboete vae.

SALMOS 97:10

Pe reta, yandeYa peaɨu vae reta, peröɨro ikavimbae; jae oyangareko chupe oñeñono tee vae reta re; jae oepɨ iyoa vae reta ipo güi.

ÉXODO 1:17

Ërei oporomboyekuaku vae reta oipoɨu Tumpa güi, jare mbaetɨ oyapo reta mburuvicha guasu Egipto pegua oyókuai rami, omaeño michia kuimbae reta oikove.

PROVERBIOS 10:31

Jupi vae iyuru güi oë arakuaa katu, ërei iñee pɨ̈chɨi vae güi oyeasɨata ikü.

PROVERBIOS 15:9

YandeYa pe, ikaviä yae ko iyoa vae jeko, ërei oaɨu, jupi rupi kavi oiko vae.

PROVERBIOS 16:18

Oime susere, pɨ ayembotuich oime ramo; oime tembiporara, pɨayemboete oime ramo.

PROVERBIOS 16:5

YandeYa pe ikaviä yae ko, opaete ipɨayemboete vae, ngaraai opɨta oiporarambae.

PROVERBIOS 16:6

Mboroparareko jare añetete vae rupi, iyoa vae pe oime ñɨ̈ro; yandeYa güi yaipoɨu vae rupi ko, yasɨrɨ ikavimbae güi.

PROVERBIOS 3:7

Agüɨye ndearakuaa katu emae ndeyé aeño; eipoɨu yandeYa güi jare esɨrɨ ikavimbae güi.

PROVERBIOS 4:24

Agüɨye emomora ñee ikavimbae, embosɨrɨ ndeyeugüi ñee pɨ̈chɨi.

PROVERBIOS 6:12

Jeko kavimbae, jeko oikomegua vae jae ko añetembae re imiari avei vae;

ISAÍAS 13:11

YandeYa jei: “Aiporaraukata kuae ɨvɨ pegua reta pe iyoa jeko pegua, jare iTumpa potambae reta pe ikavimbae oyapo jeko pegua. Amboapɨta iyemboete iyé vae reta güi iyemboete, amomichita ipɨayemboete vae reta.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

AMÓS 6:8

YandeYa Tumpa jei jee re aeño, yandeYa Tumpa Imbaepuere yae ete vae jei: “Aröɨro Jacob iñemuña reta ipɨayemboete jare jo kavi reta; ameeta tëta jare pɨpegua reta jovaicho reta ipo pe.”

ZACARÍAS 8:17

Jare metei ave pegüi agüɨye peyemongeta pɨ̈chɨi pepɨa pe perapicha kotɨ, agüɨye pemomora mbae pere añetete rami Tumpa jee re ave; echa opaete kuae mbaembae ko aröɨro, jei yandeYa.”

Romanos 12:9

Peyoaɨu añetetegüe rupi. Pemotareɨ ikavimbae vae, pemomoe ikavi vae.

1 Tesalonicenses 5:22

Peyembosɨrɨ opaete mbae ikavimbae vae güi.

2 Timoteo 2:19

Ërei Tumpa iñee añete ko, mbaetɨ etei ko oyepoepɨ, echa jei körai: “YandeYa oikuaa imbae reta.” Jare: “Opaete omboete Cristo vae, tosɨrɨ ikavimbae vae güi.”

1 Pedro 5:5

Pe taɨrusu reta, peiko petenondegua reta jeia re. Jare opaete vae peiko kavi oyoupi peñemomichi reve; echa: “Tumpa oyovaicho ipɨarai vae reta kotɨ, ërei ipɨakavi oñemomichi vae reta kotɨ.”

1 SAMUEL 2:3

Agüɨye kia timiari ipɨayemboete reve, agüɨye kia toyembotuicha yae iñee pe, echa Tumpa opaete mbae oikuaa vae jae ko yandeYa, jae ojäa opaete kuimbae jembiapo.