PROVERBIOS 8:11 - Biblia Guarani Tumpa Iñee

¹¹ Echa arakuaa katu ko ikavi yae ita ipöra yae vae güi; ¡mbae ipotaa yae vae ave ngaraa omboyovake!

PROVERBIOS 8:11 ပူးပေါင်းရင်းမြစ်များ

SALMOS 119:103

Neñee, jëe kavi cheyuru pe, jëe yae ei güi cheyuru pe.

SALMOS 119:127

Jáeramo ko, che aaɨu ndeporookuai reta oro güi, oro ikavi yae vae güi oasa yé aaɨu.

SALMOS 119:72

Mborookuai reta oë ndegüi vae, ikavi yae ete cheve, oro ani korepoti jeta yae vae güi.

SALMOS 19:10

¡Ipotaa yae ko oro güi, oasa yé ipotaa oro ikɨambae güi! ¡Jëeasɨ yae ei güi, ñana rupigua ei güi!

PROVERBIOS 16:16

Arakuaa ko ikavi yae, oro ñanoi vae güi; jare arakuaa katu, korepoti güi.

PROVERBIOS 20:15

Oime oro jare jeta ita ipöra vae, ërei yarakuaa reve kavi imiari vae ko ikavi yae ete.

PROVERBIOS 31:10

Kuña jeko kavi vae, ¿kia pa ipuereta oväe? ¡Echa jeko oasa ete yé ko ikavi, ita ipöra yae vae güi!

ECLESIASTÉS 7:11

Arakuaa katu mbaeyekou ndive vae ikavi yae ko, opaete kuae ɨvɨ pe yogüɨreko vae pe.

San Mateo 16:26

¿Mbaerä pa osiriveta kuimbae pe omongana yave opaete ɨvɨ, ërei jekove okañɨtei?, ani ¿Mbovɨ ra omboepɨta ogua vaerä jekove?

DEUTERONOMIO 30:13

Jare mbaetɨ oï ɨguasu jovaicho kotɨ, pere vaerä: ‘¿Kia ra oasata yandeve ɨguasu, jare güeru oenduka yandeve, yayapo vaerä?’