PROVERBIOS 7:21 - Biblia Guarani Tumpa Iñee

²¹ Iñee reta ipöra yae vae rupi, jare iñee-yukɨ rupi omokɨ̈reɨ jókuae kunumi,

PROVERBIOS 7:21 ပူးပေါင်းရင်းမြစ်များ

2 REYES 4:8

Metei ara Eliseo oasa yave Sunem rupi, joko pe oiko metei kuña imboetea yae vae, jae opareañoi Eliseo pe okaru vaerä. Jokoropi oasa ñavo opɨta okaru joko pe.

NEHEMÍAS 6:4

Irundɨ ye ombou chereenɨiuka reta, ërei che jökorai yeño amboyevɨ chupe reta.

SALMOS 12:2

Iyapu päve oyoupe reta; omboyukɨ imiari reta oyoupe, iyemongeta ambuaeyee reve.

PROVERBIOS 5:3

Echa kuña iyaguasa pota vae iñee jëe ngatu yae, iñee kaviasɨ, asaite iïchɨi kavi rami,

PROVERBIOS 6:24

Ndeangarekota kuña jeko kavimbae güi, jare iyaguasa pota vae iñee mbokere güi.

PROVERBIOS 7:22

jaema voi oguata jupíe: Metei guaka oyereraja mbaeyukaa kotɨ rami, metei iyarakuaambae ojo tembipɨɨrɨru pe oñenupa vaerä rami,

PROVERBIOS 7:5

Ndeangareko vaerä kuña iyaguasa pota vae güi, kuña reta iñee mbokere vae güi.

San Lucas 14:23

Jayave iya jei chupe: “Ekua opaete tape rupi jare kó päu rupi jare eru nderupíe reväe chupegüe, tɨnɨe vaerä chero.

San Lucas 24:29

Ërei jae reta oyopia jei reve chupe: —Epɨta ore ndive. Echa kaaru ma. Pɨ̈tu ma ko oï. Jayave Jesús opɨta jae reta ndive.

Hechos 16:15

Jare oyembobautisauka opaete jo pegua reta ndive güire, jei oreve: —Perovia ko che arovia ete kavi yandeYa re yave, peyu pepɨta chero pe. Jare oremoñera ropɨta vaerä joko pe.

2 Corintios 5:14

Echa Cristo iporoaɨu oremokɨ̈reɨ yae, echa roikuaa kavi Cristo omano opaete re. Jáeramo opaete yande ñamano vi yandereko güi.

JUECES 14:17

Ërei jae jekuaeñoi oyaeo opaete jókuae chiu ara arete oiko vae pe, jare chiúa ara pe omombeu chupe, echa oyaporai yae jese. Jayave jókuae kuña ojo omombeu jaɨe reta pe.

1 SAMUEL 28:23

Saúl ñäteɨ okaru, ërei iyɨvɨrigua reta jare jókuae kuña omoñera okaru vaerä, jare ikɨ̈reɨ. Jare opüa ɨvɨ güi jare oguapɨ metei tupa pe.