PROVERBIOS 7:10 - Biblia Guarani Tumpa Iñee

¹⁰ Güɨramoiño metei kuña oë oövaiti, kuña iyaguasa pota rami oyemonde vae, ipoki yae oporombotavɨ vae,

PROVERBIOS 7:10 ပူးပေါင်းရင်းမြစ်များ

GÉNESIS 3:1

Ërei ngatu mboi oasa ipoki oporombotavɨ vaerä opaete ïru mbaemɨmba reta ñana rupigua yandeYa Tumpa oyapogüe güi. Jare kuae mboi jei kuña pe: —¿Tumpa jei pa jayave peve agüɨye vaerä peu opaete ɨvɨra reta kó pegua iagüe?

2 REYES 9:22

Joram oecha yave Jehú, jei chupe: —¿Peyu pa mbɨakatu ndive? Jehú jei chupe: —¿Mbae nunga mbɨakatu pa oimeta, ndesɨ Jezabel itumpa-raanga jare mbaekuaa rupi oiko reve?

2 REYES 9:30

Jayave Jehú ojo Jezreel pe. Jezabel oikuaa yave, ombojovɨ jesakua, jare ia omopöra; javoi oñeñono metei ventana pe.

PROVERBIOS 23:28

oporopïaro ko imonda vae rami, jare jeta kuimbae reta omokañɨteiuka.

ISAÍAS 23:16

“Iyaguasa pota vae güi, opaete vae ñakañɨta vae, eipɨɨ metei arpa, jare ekua emboapɨ eguata tëta guasu, embaembopu ikavigüe, jeta etairari, yaecha ra jökorai imaendúa nderé vae.”

JEREMÍAS 4:30

Nde, tëta reyemboai reï vae ¿mbae pa reyapota? Yepe tëi reyemonde temimonde pɨ̈ta vae pe, yepe tëi reñemopöra kavi oro pe, yepe tëi rembojovɨ nderesakua. Ërei mbaetɨ eteita osirive ndeve jókuae reñemopöra kavi vae, nderaɨuse vae reta nereröɨro ma, ndeyuka vaeräño ma ndereeka reta.

1 Timoteo 2:9

Jaeramiño vi kuña reta toyemonde temimonde ikavi vae pe, ërei agüɨye ïru vae reta oecha vaeräño. Agüɨye oasa ete toyemoambeko ia re, mbaembae oro pegua re, ita ipöra yae vae re ani temimonde jepɨ yae vae re.