PROVERBIOS 6:29 - Biblia Guarani Tumpa Iñee

²⁹ Jökorai ko japicha jembireko re opoko vae; ngaraa opɨta jökoraiño oiporarambae reve jeko re.

PROVERBIOS 6:29 ပူးပေါင်းရင်းမြစ်များ

GÉNESIS 20:2

Abraham jei jembireko Sara kotɨ: ¡Chereindɨ ko! Jare Abimelec mburuvicha guasu Gerar pegua omondo güeruruka Sara;

2 SAMUEL 11:27

Ërei oasa güire ime oäpiro vae iara yave, David omondo güeru jo pe; jare oiko jembirekorä, jare imembɨ chupe metei kunumi. Ërei kuae David oyapo vae, mbaetɨ etei ikavi yandeYa jesa róvai.

2 SAMUEL 16:21

Jare Ahitofel jei Absalón pe: —Epoko nderu jembireko reta re, jókuae kuña reta jae güɨrekoiño vae, oeya oyangareko reta vaerä o re vae reta re. Jare opaete Israel pegua reta oendu reñemotareɨuka yae ma nderu pe yave, oñemoäta ngatuta opaete nde ndive ñogüɨnoi vae reta.

ÉXODO 20:17

Agüɨye peipotarai perapicha jo, agüɨye peipotarai perapicha jembireko, ani jembiokuai kuimbae, ani jembiokuai kuña, ani igüeye, ani imburika, ani oipotagüe mbae nunga güɨnoi perapicha vae.”

PROVERBIOS 16:5

YandeYa pe ikaviä yae ko, opaete ipɨayemboete vae, ngaraai opɨta oiporarambae.

PROVERBIOS 6:28

¿Ipuere ra kuimbae oguata tätapɨi iárambo rupi okaimbae reve ipɨ reta?

EZEQUIEL 18:6

Mbaetɨ ojo oyea aretea pe oñemee yave mbaemboete ɨvɨtɨ re, mbaetɨ vi omboete tumpa-raanga reta Israel pegua; mbaetɨ oasa japicha jembireko ndive, mbaetɨ vi oya jembireko re jugüɨ oï yave;

EZEQUIEL 22:11

Amogüe reta oyapo ikavimbae yae vae: Oasa japicha jembireko ndive, taɨ jembireko ndive, ani oasa jeindɨ tu tee vae ndive.

EZEQUIEL 33:26

Peyerovia pekɨsepuku re, peyapo pɨ̈chɨi vae, metei ñavo peyemongɨa perapicha jembireko ndive peiko vae rupi, jökorai reve, ¿perovia pa peikota kuae ɨvɨ iyarä?’

LEVÍTICO 18:20

Jaeramiño vi agüɨye kia nunga vae topoko japicha jembireko re. Agüɨye vaerä oyemongɨa jae ndive oyapogüe rupi.

LEVÍTICO 20:10

Metei kuimbae oiko yave aguasa rupi japicha jembireko ndive, jókuae menda re oyuvanga vae reta, tomano opa reve oñeärombae reve.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

1 Corintios 7:1

Añave aikuatía vi peve jókuae mbaembae re peparandu cheve vae re. Ikavi tëi ko kuimbae agüɨye güɨreko kuña.