PROVERBIOS 6:16 - Biblia Guarani Tumpa Iñee

¹⁶ Oime ova mbaembae yandeYa güɨröɨro vae, jare chiúa pɨ̈chɨi yae ete jesa róvai; jae ko:

PROVERBIOS 6:16 ပူးပေါင်းရင်းမြစ်များ

2 REYES 21:16

Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

JOB 5:19

Ndereroasayepe aveita tembiporara güi, tembiporara ngaraa etei maratu ndeapo.

SALMOS 11:5

YandeYa omae kavi jupi vae reta re, ërei omotareɨ jeko kavimbae vae reta jare ipɨarai vae reta.

SALMOS 5:7

Ërei ngatu ndeporoparareko tuicha yae ete jeko pegua chepuere aike ndero pe. Romboete aipoɨu reve kavi amae ndetupao oñeñono tee vae kotɨ.

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 11:20

YandeYa güɨröɨro ko iyemongeta kavimbae vae reta, ërei ipɨakatu omae, jeko kavi vae reta re.

PROVERBIOS 12:22

Yapu imiari vae, pɨ̈chɨi yae ko yandeYa pe, ërei oyerovia katu omae, añetete rupi imiari vae reta re.

PROVERBIOS 17:15

Jupimbae ombojupi vae jare jupi vae omboeko vae, yandeYa pe ikaviä yae ko kuae reta.

PROVERBIOS 20:10

Omaemee vae oata ojäa omee vae jare imbaejäaka jaekavimbae, kuae mókoi reve ikaviä yae ko yandeYa pe.

PROVERBIOS 20:23

YandeYa pe ikaviä yae ko, omaemee vae oata ojäa omee vae, jare mbaejäaka jupimbae vae, mbaetɨ ko ikavi.

PROVERBIOS 21:4

Yembotuicha jare pɨayemboete, jare iyoa vae reta iyemongeta, mbaeyoa ko kuae reta.

PROVERBIOS 3:32

echa yandeYa güɨröɨro ipɨapochɨ vae, ërei oï jupi vae reta ndive.

PROVERBIOS 30:18

Oime mboapɨ mbaembae mbaetɨ chepuere aikuaa vae, jare irundɨa mbaetɨ chepuere aikuaa. Jae ko:

PROVERBIOS 30:21

Mboapɨ mbaembae ombokepegua ɨvɨ pegua reta, jare irundɨa, mbaetɨ ipuere güɨropɨa reta, jae ko:

PROVERBIOS 30:24

Oime irundɨ mbae michi yae vae kuae ɨvɨ pe, iyarakuaa katu yae kuimbae reta iyarakuaa katu güi vae; jae ko:

PROVERBIOS 30:29

Oime mboapɨ mbaembae ipöra yae iguata vae, jare irundɨa, ipöra yae ete oguata; jae ko:

PROVERBIOS 6:15

Jáeramo, güɨramoi peguaño outa chupe mbaesusere; güɨramoi peguaño oiporara yaeta, mbaetɨta ma moa chupeguarä.

PROVERBIOS 6:17

Oyemboete yae iyé vae, apu omomora vae, jekombae oyukaiño vae,

PROVERBIOS 8:13

YandeYa güi yaipoɨu vae, jae ko ñaröɨro ikavimbae vae. Che aröɨro ko pɨayemboete, yembotuicha, teko ikavimbae jare apu.

JEREMÍAS 26:15

Ërei peikuaa kavi peyeupe: Cheyuka yave, pe reta, kuae tëta guasu jare opaete yogüɨreko pɨpe vae reta penoita teko, jekombae jugüɨ re; echa añetete ko yandeYa chembou pépɨri, amoërakua vaerä peve etei opaete kuae ñee reta.”

AMÓS 1:11

YandeYa jei körai: “Edom iñemuña reta iyoa yae jeko pegua, mbaetɨta cheɨ̈ro chupe reta; echa kɨsepuku pe omoña reta jëtara Israel iñemuña reta, ombosɨrɨ reta iyeugüi mboroparareko; iyarasɨ katu avei ikotɨ jare omotareɨ katu avei jeko pegua.

AMÓS 1:3

YandeYa jei körai: “Damascoɨgua reta jeta yae iyoa jeko pegua, mbaetɨta cheɨ̈ro chupe reta; echa tëta Galaad ipo opa oyuka reta tembiporu jiero pegua pe.

AMÓS 1:6

YandeYa jei körai: “Gaza pegua reta iyoa yae jeko pegua, mbaetɨta cheɨ̈ro chupe reta, echa opaetei oipɨɨ reta güɨraja metei tëta ipo omee vaerä Edom pegua reta pe tembiokuairä.

AMÓS 1:9

YandeYa jei körai: “Tiro pegua reta iyoa yae jeko pegua, mbaetɨta cheɨ̈ro chupe reta; echa ïru tëta ndive oyapo reta tëi yemongeta kavi reve opa oipɨɨ reta güɨraja omee Edom pegua reta pe, mbaetɨ imaendúa reta jókuae morogüɨrökuavee päve oyapogüe re.

AMÓS 2:1

YandeYa jei körai: “Ɨvɨ Moab pegua reta iyoa yae jeko pegua, mbaetɨta cheɨ̈ro chupe reta; echa oapɨ reta mburuvicha guasu Edom pegua ikägüegüe, opaetei regua ombotanimbu.

AMÓS 2:4

YandeYa jei körai: “Judá pegua reta iyoa yae jeko pegua, mbaetɨta cheɨ̈ro chupe reta; echa güɨröɨro reta mborookuai amee vae jare mbaetɨ oyapo reta, echa itumpa-raanga reta opa omombia reta, jókuae iñemuñagüe reta omboetese vae.

AMÓS 2:6

YandeYa jei körai: “Israel iñemuña reta iyoa yae jeko pegua, mbaetɨta cheɨ̈ro chupe reta; echa jupi vae omee reta korepoti re, jare paravete vae omee reta pɨapaa re.

ZACARÍAS 8:17

Jare metei ave pegüi agüɨye peyemongeta pɨ̈chɨi pepɨa pe perapicha kotɨ, agüɨye pemomora mbae pere añetete rami Tumpa jee re ave; echa opaete kuae mbaembae ko aröɨro, jei yandeYa.”

DEUTERONOMIO 23:18

Agüɨye iyaguasa pota vae jepɨgüe ani kuimbae japicha ndive oasa vae jepɨgüe peru yandeYa Tumpa jo pe, echa jókuae nunga pɨ̈chɨi yae ko yandeYa Tumpa pe.

DEUTERONOMIO 24:4

mbaetɨta ipuere güɨreko ye jembirekorä jókuae tenonde yave omombo vae, imboeteambae ma jeko pegua; echa kuae, pɨ̈chɨi yae ko yandeYa jóvai, agüɨye perokomegua ɨvɨ yandeYa Tumpa omee peveguarä vae.

DEUTERONOMIO 25:16

Echa pɨ̈chɨi ko yandeYa Tumpa pe kia nunga kuae oyapo vae, jare kia nunga jupimbae oyapo vae.

Apocalipsis 21:27

Ërei ngaraa etei oike jókuae tëta guasu pe oipotagüe ikɨa vae jare oipotagüe pɨ̈chɨi vae oyapo vae jare iyapu vae. Jaeño Vecha kuimbae taɨrusu vae jembikuatía tekove pegua pe jee oyekuatía oï vae reta.