PROVERBIOS 6:12 - Biblia Guarani Tumpa Iñee

¹² Jeko kavimbae, jeko oikomegua vae jae ko añetembae re imiari avei vae;

PROVERBIOS 6:12 ပူးပေါင်းရင်းမြစ်များ

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 10:7

Iyuru tɨnɨe oï ñee ikavimbae pe, mborombotavɨ reta pe; iyuru pe oime yuvanga katu jare ikavimbae.

SALMOS 101:3

agüɨye tamae mbae jupimbae re. Aröɨro, jupimbae Tumpa kotɨ vae reta; ¡ngaraai amaeño oya reta cheré!

SALMOS 36:3

Iyuru güi oë ñee jupimbae jare yembotavɨ pegua; oeya arakuaa katu jare mbaetɨ ma oyapo ikavi vae.

SALMOS 59:7

Mase, jei reta mbae ikavimbae, jembe re güɨnoi rami kɨsepuku, jei reta: “¡Mbaetɨ etei kia yandereendu vae!”

PROVERBIOS 10:32

Jupi vae iyuru güi oë ñee pöra; ërei iyoa vae reta iyuru ikɨa.

PROVERBIOS 11:6

Mbaejupi güɨroasayepe jupi vae reta, ërei iyoa vae reta oyepókoi iyoa pe aeño.

PROVERBIOS 16:27

Kuimbae ipɨapochɨ vae, oeka oyapo vaerä ikavimbae, ¡iñee reta etei, tata jendɨ rami ko!

PROVERBIOS 16:30

Osapɨmi etei oyemongeta ikavimbae oyapo vaerä; oyeembesuu etei jókuae ikavimbae oyapo ma yave.

PROVERBIOS 17:4

Jeko kavimbae jare yapu yae vae, güɨrovia katu ipɨapochɨ vae iñee reta.

PROVERBIOS 2:12

jókuae ndereepɨta teko kavimbae güi, jare kuimbae reta ipɨapochɨ vae güi,

PROVERBIOS 3:32

echa yandeYa güɨröɨro ipɨapochɨ vae, ërei oï jupi vae reta ndive.

PROVERBIOS 4:24

Agüɨye emomora ñee ikavimbae, embosɨrɨ ndeyeugüi ñee pɨ̈chɨi.

PROVERBIOS 6:14

ipɨa ikavimbae kotɨño, oyemongeta oyapo avei vaerä ikavimbaeño jare oporomoñorarouka.

PROVERBIOS 8:13

YandeYa güi yaipoɨu vae, jae ko ñaröɨro ikavimbae vae. Che aröɨro ko pɨayemboete, yembotuicha, teko ikavimbae jare apu.

JEREMÍAS 24:2

Metei kanata pe oï ɨva ikavigüe, tenonde yagüɨye vae, ërei ïru pe oï ɨva ikavimbae, mbaetɨ etei ikavi oyeu vaerä vae.

San Mateo 12:34

Pe reta ko jae mboi reta rami. ¿Këraiägua pa pepuereta pemiari ñee ikavigüe, pepɨapochɨ yae reve? Echa ipɨa pe yemongeta güɨnoi vae ko omoë iyuru rupi.

Hechos 20:30

Jare pepɨte güi etei omopüata kuimbae oporomboeta añetembae re vae reta. Kuae reta ombojopata oporogüɨrovia vae reta.

1 Timoteo 5:13

Jaeramiño vi omboɨpɨ iyakɨ, opou reteiño; jare mbaetɨ jokuaeño, oporoangao jare oyemoinge opaño mbae pe, imiari agüɨyeta tëi imiari jese vae.

Santiago 1:21

Jáeramo peeya opaete pɨ̈chɨi vae jare opaete ikavimbae vae. Jare perovia peñemomichi reve ñee pepɨa pe oñeñono vae, echa jókuae ñee ko pemboasaukata.

Santiago 3:6

Ñanekü metei tata rami ko. Tɨnɨe ikavimbae pe. Ñanekü oï yanderete pe, ërei omongɨa opaete yanderete; tata ogüembae rami ko yaikove yaiko ramboeve. Jare kuae ikavimbae vae ou ko kañɨtei güi etei.

1 SAMUEL 17:28

Kuae re oendu yave tɨkeɨ Eliab iyarasɨ yae David kotɨ, jare jei chupe: —¿Mbae pa reyu reeka kuae pe? ¿Kia ipo pe pa reeya jókuae mbovɨ vecha vae ñuu pe? Che aikuaa katu ndereko kavimbae jare ndeyemongeta kavimbae, echa ñeraro re remae vaeräño ko reyu.