PROVERBIOS 5:21 - Biblia Guarani Tumpa Iñee

²¹ Echa Tumpa jesa róvai oiko kuimbae ara ñavo; jae omae oï opaete kuimbae jembiapo reta re.

PROVERBIOS 5:21 ပူးပေါင်းရင်းမြစ်များ

2 CRÓNICAS 16:9

Echa yandeYa omae opaete ɨvɨ re, jae omborɨ ipɨa jupi rupi oiko chupe vae. ¡Kuae reyapo iyarakuaambae rami! Echa kuae güi tenonde kotɨ oimeta ndekotɨ jeta ñeraro.”

JOB 14:16

Jayave, nde reikuaata opaete cheguata re, ngaraa nemaendúa cheyoa reta re.

JOB 24:23

Tumpa omaeño oiko pɨagüive reta, ërei jae omae opaete oyapogüe reta re.

JOB 31:4

Jae oikuaa opaete chereko, jare opaete ayapogüe.

JOB 34:21

Tumpa omae opaete vae iguata re, jae oecha opaete vae jembiapo.

SALMOS 11:4

CheYa oï jëta ikɨambaea pe. CheYa iguapɨa güɨnoi ara pe, jae oecha opaete vae, omae kavi yae opaete kuimbae reta re.

SALMOS 119:168

Ayapo neñee jare ndeporookuai reta jeigüe, echa ¡nde chekuaa ko kërai aiko vae!

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

PROVERBIOS 15:3

YandeYa omae oï opaete re, jeko kavi vae reta re jare jeko kavimbae reta re.

PROVERBIOS 4:26

Emae kavi nderaperä, eguata jupi rupi.

PROVERBIOS 5:6

Jókuae nunga kuña mbaetɨ oikuaa tape tekove pegua, jape reta mbaetɨ ko ɨma pegua.

JEREMÍAS 16:17

Echa opaete jeko reta aecha; mbaetɨ etei oñemi chegüi vae, iyoa reta ave mbaetɨ ipuere oñemi chegüi.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 23:24

¿Oime ra kia ipuereta oñemi chegüi vae? che, opaete rupi ko aï, ara pe jare ɨvɨ pe. Che peYa ko jae kuae.

JEREMÍAS 29:23

Echa ɨvɨ Israel pe oyapo reta ikavimbae: Yogüɨreko aguasa rupi japicha reta jembireko ndive jare jei reta cheree re añetembae, che mbaetɨ ayókuai tëi jei vaerä reve. Che peYa jae kuae.’ ”

JEREMÍAS 32:19

Tuicha yae yemongeta pe vae ko nde jare ndembaepuere yae mbae reyapo vaerä. Nde reecha opaete kuimbae oyapogüe, jare reiporarauka metei ñavo pe, jeko oï rupi jare jembiapo oï rupi.

OSEAS 7:2

Mbaetɨ oyemongeta reta che chemaendúa ko opaete ikavimbae oyapo reta vae re. Añave ngaraa ma oyemboapeuka reta jembiapo reta pe, ñogüɨnoi cheróvai jembiapo ikavimbae reta.

Hebreos 4:13

Oyapo mbaembae Tumpa oyapo vae mbaetɨ ipuere oñemi chugüi. Echa opaetei ko mbaembae oyekuaa oï jókuae ñanejäata vae jóvai.

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae:

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.