PROVERBIOS 5:12 - Biblia Guarani Tumpa Iñee

¹² Jare rere: “¡Maera pa ko aröɨro yemboarakuaa! ¡Maera pa ko aröɨro yembosɨmbi!

PROVERBIOS 5:12 ပူးပေါင်းရင်းမြစ်များ

GÉNESIS 19:9

Jayave jae reta jei chupe: —¡Esɨrɨ katu joko güi! Nde ketɨgua reyu reiko orepɨte pe. ¿Reñemopüa pa mburuvicha oporojäa vaerä? ¡Añave royapota ndeve ikavimbae yae vae! Jare oporepeña reta Lot re, jare oasa reta omopë vaerä öke.

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

2 CRÓNICAS 36:16

Ërei jae reta oyóyai yóyai ñeemombeúa reta, güɨröɨro reta omombeugüe jare opuka reta Tumpa iñeemombeúa reta re, yandeYa iyarasɨ ou regua tëta imbae vae reta re, jare mbaetɨ ma oväe kërai oasayepe reta vaerä.

SALMOS 50:17

Echa mbaetɨ reipota rombosɨmbi jare mbaetɨ reendu cheñee reta.

SALMOS 73:22

echa mbaetɨ che chearakuaa, mbaetɨ aikuaa mbae; ¡metei mɨmba rami che nderóvai!

PROVERBIOS 1:22

“Pe, yarakuaambae reta, peporoyóyai yóyai vae reta, ¿kërai yave regua pa peröɨrota arakuaa katu? ¿Kërai yave regua pa peporoyóyai yoyaita?

PROVERBIOS 1:25

Peröɨroño opaete cheporomboarakuaa; mbaetɨ peipota cheporombosɨmbi ave.

PROVERBIOS 1:7

Arakuaa katu jae ko yandeYa güi yaipoɨu vae; iyarakuaambae reta güɨröɨro arakuaa katu jare mboromboe.

PROVERBIOS 10:17

Yemboarakuaa oendu vae oepeña ko tekove; ërei yembosɨmbi mbaetɨ oipota oendu vae, oyavɨ ko iyeupe.

PROVERBIOS 12:1

Mboromboe oaɨu vae, arakuaa ko oaɨu; ërei yemboeta güɨröɨro vae, yarakuaambae ko.

PROVERBIOS 13:18

Paraveteta jare oñemomaraita yemboarakuaa güɨröɨro vae; ërei yemboeta oendu vae imboeteata.

PROVERBIOS 15:5

Yarakuaambae, güɨröɨro tu iporomboarakuaa; ërei yemboarakuaa oendu vae, yarakuaa katu ko.

PROVERBIOS 5:11

Agüɨye vaerä ndepɨatɨtɨ nderete okañɨ ma ojo oiko yave.

PROVERBIOS 6:23

Echa mborookuai reta jare mboromboe reta tembipe rami ko, yemboarakuaa reta tape tekove pegua ko.

PROVERBIOS 8:36

ërei chekotɨ iyoa vae, jae aeño ko oñererokomegua, ¡opaete chereröɨro vae reta, mano ko oaɨu!”

JEREMÍAS 44:4

Ambou avei voi tëi cherembiokuai ñeemombeúa reta omombeu vaerä peve, agüɨye vaerä peyapo ikavimbae yae vae, che aröɨro vae.