PROVERBIOS 4:7 - Biblia Guarani Tumpa Iñee

⁷ Embotenonde arakuaa ndeyeupe, opaete mbaembae renoi vae güi, eväe arakuaa katu.

PROVERBIOS 4:7 ပူးပေါင်းရင်းမြစ်များ

2 CRÓNICAS 1:10

Añave emee cheve arakuaa katu, kërai aroguata kavi vaerä kuae tëta; echa, ¿kia pa ipuereta güɨroata kuae tëta ndembae vae, jeta yae vae?”

SALMOS 119:104

Ndeporookuai reta rupi chearakuaa katu yae, jáeramo, aröɨro opaete apu reta.

PROVERBIOS 16:16

Arakuaa ko ikavi yae, oro ñanoi vae güi; jare arakuaa katu, korepoti güi.

PROVERBIOS 2:4

eeka opaete ndepɨa ndive, oro reeka rami ani mbae jepɨ vae reeka rami.

PROVERBIOS 21:6

Apu rupi mbaeyekou reta oyeapo vae, jae ko michi pegua oporomboyerovia vae mano oeka vae reta peguarä.

PROVERBIOS 23:23

Eväe añetete vae, arakuaa, mboromboe jare arakuaa katu, jare ¡agüɨye emee!

PROVERBIOS 4:5

Eväe arakuaa jare enoi arakuaa katu; agüɨye epia ani neakañɨ cheñee reta güi.

PROVERBIOS 8:23

Aikoño mai iyɨpɨ güive voi, ndei ɨvɨ oyeapo mbove.

ECLESIASTÉS 4:8

Metei kuimbae oï jaeño, mbaetɨ jekovia, mbaetɨ taɨ, mbaetɨ tɨkeɨ ani tɨvɨ yepe, ërei opoiä etei iparavɨkɨ güi, ipɨa jenda peä etei opaete mbaeyekou güɨnoi vae re; mbaetɨ oparandu iyeupe: “¿Kia peguarä ra aparavɨkɨ mbatee? ¿Maera ra mbaetɨ aputuu jare ayemboyerovia?” Opaete kuaekuae mbaeä etei vi ko, mbaravɨkɨ ipoɨgüe yae ko.

ECLESIASTÉS 7:12

Echa arakuaa katu oporoepɨ vi ko korepoti rami, ërei arakuaa oyapɨraa yé korepoti, echa omee tekove katu jókuae arakuaa güɨnoi vae pe.

San Lucas 10:42

Ërei oime meteiño mbae ikavi yae vae. Jare María oiparavo ikavi vae ndegüi. Jókuae ngaraa kia ipuere opɨ̈ro chugüi.

San Lucas 12:20

Ërei Tumpa jei jókuae kuimbae pe: ‘Yarakuaambae, kuae pɨ̈tu remanota. Jayave opaete mbaembae reñovatu vae ¿kia peguarä pa?’ ”

Filipenses 3:8

Jökoraiño vi opaete ïru mbaembae mbaeä etei cheve cheYa Cristo Jesús aikuaa vae jeko pegua. Jae aaɨu vae jeko pegua mbaeä etei jare ɨtɨ rami ko cheve opaete mbaembae, amongana vaerä Cristo,