PROVERBIOS 4:4 - Biblia Guarani Tumpa Iñee

⁴ jare cheru chemboe yepi körai: “Eñovatu ndepɨa pe cheñee reta; eyapo cheporookuai reta jare reikoveta reiko.

PROVERBIOS 4:4 ပူးပေါင်းရင်းမြစ်များ

GÉNESIS 18:19

Echa aiparavo ko güɨroata vaerä taɨ reta jare opaete iñemuña reta cheporomboe rupi; oyapo reta vaerä jupi vae jare sɨmbi vae; jökorai yave aruta Abraham re opaete arökuavee chupe vae.”

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

SALMOS 119:11

Chepɨa pe añovatu neñee reta, agüɨye vaerä cheyoa ndekotɨ.

SALMOS 119:144

Ndeporookuai reta jupi avei ko, ¡arakuaa katu emee cheve, aikove aiko vaerä!

SALMOS 119:168

Ayapo neñee jare ndeporookuai reta jeigüe, echa ¡nde chekuaa ko kërai aiko vae!

PROVERBIOS 22:6

Emboe kavi michia ndei güive voi, jare yepe tëi indechi ma yave ngaraa opia chugüi.

PROVERBIOS 23:26

Cheraɨ, eyeapɨsaka ndepɨa reve cheré, jare emae kavi kërai ko che aiko vae re;

PROVERBIOS 3:1

Cheraɨ, agüɨye neakañɨ cheporookuai güi, eñovatu ndepɨa pe cheporookuai reta,

PROVERBIOS 3:2

jare reiko pukuta, jare mbɨakatu oñemoïruta ndeve.

PROVERBIOS 7:2

Eendu cheporookuai reta jare cheporomboe reta; eyangareko jese, neresäɨ kunumi re reyangareko rami, jare reiko pukuta.

ISAÍAS 55:3

Pemboɨke peapɨsa, peyeapɨsaka, peyu chekotɨ jare peikoveta; jare ayapota pe reta ndive, morogüɨrökuavee päve opambae, mboroparareko jekuae avei pegua David pe ayapo vae.

JEREMÍAS 38:20

Jeremías jei chupe: —Cheruvicha guasu, ngaraa rea jae reta ipo pe. Eyeapɨsaka yandeYa iñee che amombeu aï ndeve vae re, reo kavi vaerä jare reroasayepe vaerä nderekove.

San Juan 12:50

Jare aikuaa cheRu cheokuai vae tekove opambae vae pegua ko. Jáeramo che jae peve vae cheRu cheokuai vae ko.”

Efesios 6:4

Jare pe tu reta agüɨye pemboarasɨuka pemichia reta, jaeño pembokuakuaa pemboe kavi reve yandeYa re.

DEUTERONOMIO 4:9

Jáeramo, peyeandu jare perekove peroyeandu agüɨye vaerä peakañɨ opaete mbaembae pe etei peecha vae güi, agüɨye pepɨa güi tokañɨ opaete perekove rupi; pemboe avei peraɨ reta jare perɨmɨmino reta.

DEUTERONOMIO 6:6

Kuae ñee reta che poyókuai añave vae, toï pepɨa pe;

2 Timoteo 1:5

Chemaendúa vi ndeporogüɨrovia añetete vae re. Ndeyarɨ Loida jare ndesɨ Eunice räri güɨnoi jókuae mborogüɨrovia, jare aikuaa kavi nde vi ko renoi.

2 Timoteo 3:15

jare kërai nemichi güive reikuaa Tumpa Iñee re. Jókuae reta ndemboarakuaata yemboasa re, mborogüɨrovia Cristo Jesús rupi.

Hebreos 5:9

Jare opaete Tumpa jei vae oupitɨ ma yave, ou opɨta yemboasa opambae vae, opaete jae jei vae oyapo vae reta peguarä;

JUECES 13:12

Jayave Manoa jei: —Jókuae remombeu vae oyembopo yave, ¿këraita pa rombokuakuaa jókuae michia raɨ? ¿Këraita pa rogüɨreko?