PROVERBIOS 4:18 - Biblia Guarani Tumpa Iñee

¹⁸ Ërei jupi vae reta jape köembipe rami ko: Köe jembipe ojo oiko köe kavi regua rami.

PROVERBIOS 4:18 ပူးပေါင်းရင်းမြစ်များ

2 SAMUEL 23:4

oikota tembipe ou köe yave vae rami, kuaraɨ jembipe oyekuaa ndeimbove yave, mbaetɨ amapɨtu yave rami. Ama omojeñɨi temitɨ ɨvɨ re vae rami.’

JOB 11:17

Ndeara ikavi yeta, kuaraɨ jembipeasɨ yae ara mbɨte pe rami, yepe tëi pɨtumimbi, ërei jembipe katuta ndeve köe-pota yave rami.

JOB 17:9

Jupi vae reta ojota tenonde, ikavi oyapo vae oñemoïruta ipɨ̈rata.

JOB 23:10

Ërei jae chekuaa katu, chejäa yave aëta oro oyeambae rami.

SALMOS 84:7

okuakuaa retata imbaepuere jare oecha retata Tumpa, Sión pe.

SALMOS 97:11

Tembipe oyekuaa jupi vae reta peguarä, jare yerovia katu ipɨa jupi vae reta peguarä.

PROVERBIOS 13:9

Jupi vae reta, mechero omoembipe kavi vae rami ko; ërei iyoa vae reta, mechero ogüe vae rami ko.

PROVERBIOS 15:24

Yarakuaa vae pe, tape tekove pegua ojo ɨvate kotɨ, jökorai opia agüɨye vaerä ojo ɨ́vɨkotɨ, omanogüe reta ñogüɨnoia pe.

PROVERBIOS 2:20

Jayave, emomoe teko kavi, emomoe jupi vae reta jeko.

PROVERBIOS 2:9

Jayave peikuaata yembojupi, yembosɨmbi jare yae yaeiñombae vae, jare opaete teko kavi.

ISAÍAS 26:7

Jupi vae reta jeko isɨmbi ko, nde cheYa jupi vae ko, reñono kavi jupi vae japerä.

DANIEL 12:3

Yarakuaa katu vae reta omboesapeta, ara jembipe rami; jeta vae omboe jupi re vae reta, omboesapeta yasɨtata rami jekuae avei pegua.

OSEAS 6:3

¡Ñañemoäta ngatu yaeka yaikuaa vaerä yandeYa! Köembipe ou ñotai vae rami outa yandekotɨ, jare ama ou ñotai vae rami outa yandekotɨ, ama taɨkue ete ani tenonde ete okɨ ɨvɨ re vae rami.

San Mateo 5:14

Pe reta ko jae tembipe rami ɨvɨ pe. Metei tëta guasu oï ɨvɨtɨ re vae oñemi rapeä ko.

San Mateo 5:16

Jökorai toyekuaa pereko kavi reta ïru vae reta jóvai, oikuaa reta vaerä peyapo ko ikavi vae. Jökorai omboete reta vaerä peRu ara pe oï vae.

San Mateo 5:45

Jökorai peyapo yave, peikota peRu ara pe oï vae taɨ retarä. Echa jae omoë kuaraɨ ikavimbae iyapoa reta pe jare ikavi vae iyapoa vae reta pe; jaeramiño vi omongɨ jupi vae reta pe jare jupimbae reta pe.

San Juan 8:12

Kuae jaɨkue rupi Jesús jei jeta vae reta pe: —Che ko tembipe ɨvɨ peguarä. Oiko che ndive vae ngaraa oguata pɨtumimbi pe. Echa güɨnoita tembipe tekove pegua.

2 Corintios 3:18

Jáeramo, opaete yande ñamae ramboeve yandeYa iyemboetea re epeo rupi rami, yayepoepɨ yaja yaiko yandeYa iEspíritu rupi.

Filipenses 2:15

Agüɨye vaerä kia ave pemboeko mbae re. Peiko Tumpa taɨ ikɨambae vae, kuae oporogüɨroviambae vae reta jeko ikavimbae yae vae reta ipɨte pe. Kuae reta ipɨte pe peiko tembipe rami kuae ɨvɨ pe,

2 Pedro 1:19

Ñanoi vi ñeemombeúa reta omoërakua vae, jókuae re perovia vae ikavi yae ko. Jókuae ñee ko metei mechero omoembipe pɨtumimbía pe rami köe regua, yasɨtata köembiya omoembipe pepɨa pe regua;

2 Pedro 3:18

Ërei pekuakuaa Tumpa ipɨakavi pe, jare yandeYa Jesucristo yandemboasa vae peikuaa kavi vae pe. ¡Jae toyemboeteuka añave jare jekuaekuae avei rupi! ¡Amén!

Apocalipsis 21:23

Jare jókuae tëta guasu mbaetɨ oeka kuaraɨ ani yasɨ omoembipe vaerä. Echa Tumpa jare Vecha kuimbae taɨrusu vae etei omoembipe.

Apocalipsis 22:5

Jare ngaraa ye ma oime pɨ̈tu joko pe. Ngaraa oeka mechero jare kuaraɨ jembipe, echa yandeYa Tumpa etei omoembipeta. Jare oporookuai retata jekuaekuae avei rupi.

JUECES 5:31

¡Jökorai tokañɨtei opaete nderovaicho reta cheYa Tumpa, jare nderaɨu vae reta tijembipeasɨ, kuaraɨ jembipeasɨ rami!” Jókuae jaɨkue rupi oiko mbɨakatu jókuae ɨvɨ pe cuarenta año.