PROVERBIOS 31:9 - Biblia Guarani Tumpa Iñee

⁹ Eñemoë jese reta, jare eyapo jupi vae; ¡eepɨ, paravete vae reta jare mbae re oata vae reta!

PROVERBIOS 31:9 ပူးပေါင်းရင်းမြစ်များ

2 SAMUEL 8:15

Jare David oiko mburuvicha guasurä opaete Israel re; jupi rupi jare isɨmbi rupi oyapo mbaembae opaete vae pe.

JOB 29:12

Echa che amborɨ yepi paravete vae, oiporu yemborɨ vae, jare tɨ̈reɨ mbaetɨ kia omborɨ vae.

SALMOS 82:3

¡Peyapo jupi vae ipuerembae pe jare tɨ̈reɨ pe! ¡Peyapo jupi vae ipɨatɨtɨ vae pe, jare mbae re oata vae pe!

PROVERBIOS 16:12

Ikaviä yae ko mburuvicha guasu reta oyapo vaerä jaekavimbae, echa jupi vae rupi ko oñemomɨ̈rata mborookuaía.

PROVERBIOS 20:8

Mburuvicha guasu oguapɨ morojäa renda pe yave, imae rupiño oikuaa opaete ikavimbae.

PROVERBIOS 29:7

Jupi vae oikuaa kërai ko paravete vae reta yogüɨreko vae, ërei jupimbae, mbaetɨ omae jókuae re.

ISAÍAS 1:17

¡Peyemboe mo peyapo ikavi vae; peeka peyapo vaerä jupi vae, peyapo mo ikavi vae, oiporara yae vae reta pe, peyapo jupi vae tɨ̈reɨ reta pe, peepɨ imemano vae reta!”

ISAÍAS 1:23

Nderuvicha reta, oyapota tëi vae, mbaetɨ oyapo reta, imonda vae reta ndive oñemoïru reta. Omomora yae reta mbae oyemboepɨ vɨari chupe reta vae, oeka reta kia omee vaerä mbota chupe reta. Mbaetɨ oyapo reta jupi vae tɨ̈reɨ pe, imemano vae iñeapo re, mbaetɨ omborɨ reta.

ISAÍAS 11:4

oporojäata ko jupi rupi paravete vae reta re, oñemoëta arakuaa katu reve kavi, ipɨa omomichi vae reta re; jare iñee rupi oporonupata, iñee pe oyukata iTumpa potambae.

JEREMÍAS 22:3

Kuae pe, peyapo jupi vae jare sɨmbi vae, peyora jasɨ katu oiko vae oporogüɨrekoasɨ katu vae ipo güi, agüɨye pembotavɨ ani mbae peñomi ketɨgua güi, tɨ̈reɨ güi ani imemano vae güi. Agüɨye peyuka jekombae.

JEREMÍAS 23:5

YandeYa jei: “Mase, oväeta ara amopüa vaerä David iñemuña güi, metei jupi vae, jae oikota mburuvicha guasurä yarakuaa katu reve, jare jae ikavi yaeta, jare oyapota morojäa jare jupi vae kuae tëtaguasu pe.

JEREMÍAS 5:28

Okaru kavi jare ikɨra yae reta. Jeko ikavimbae oyapogüe oasa ete ye; mbaetɨ oyapo reta jupi vae tɨ̈reɨ pe, mbaetɨ oyapo jupi vae paravete vae reta pe.

DANIEL 4:27

Jáeramo nde mburuvicha guasu, eendu cheporomboarakuaa: Eyapo jupi vae, agüɨye mo ndeyoa, ikavimbae reta reyapo vae jekovia pe, eyapo mboroparareko oiporara ñogüɨnoi vae reta pe, jayave güɨramoi kuae ndepɨagüive reiko vae oyembopukuta ndeve.’ ”

LEVÍTICO 19:15

Agüɨye peyapo jupimbae peporojäa yave: Agüɨye peepɨ paravete vae ani pembopɨakatu oikokatu vae. Jupi rupi peporojäa.

ZACARÍAS 7:9

“Körai jei yandeYa Imbaepuere yae ete vae: ‘Peporojäa añete vae rupi, jare peporoparareko peyeaeä reve oyokotɨ.

ZACARÍAS 9:9

¡Eyerovia yae tuicha tëta Sión! ¡Eyerovia esapúkai reve tëta Jerusalén! Mase, ko nderuvicha guasu outa ndekotɨ, jupi vae jare oporoepɨ vae, oñemomichi vae, opo ou metei mburika kuimbae taɨrusu vae re, mburikamí imembɨ re.

San Juan 7:24

Agüɨye peporojäa peecha vae rupiño. Peporojäa kavi jupi rupi.

DEUTERONOMIO 1:16

Ayókuai vi peruvicha oporojäa vae reta, oporojäa vaerä peré, perëtara reta re jare ketɨgua reta re.

Hebreos 1:9

Reaɨu jupi rupi mbae oyeapo vae jare remotareɨ ikavimbae. Jáeramo ndeparavo Tumpa, jae ko neTumpa; yerovia katu omee ndeve vae ikavi yae, neïru reta omboyerovia vae güi.”

Apocalipsis 19:11

Jayave aecha ara oyepea. Jare joko pe oyekuaa metei kavayu tïi vae, jare opo jese vae jee Jupi vae jare Añetete vae, jae oporojäa jare oñeraro jupi rupi.

1 SAMUEL 19:4

Jare Jonatán omomiari kavi tu Saúl, David re, jei: —Agüɨye ndeyoa nderembiokuai David re, echa jae mbaetɨ mbae ikavimbae oyapo ndeve, jaeño ma oyeokuai kavi ndeve.

1 SAMUEL 20:32

Ërei Jonatán jei tu pe: —¿Maera pa omanota? ¿Oime pa mbae ikavimbae oyapo?