PROVERBIOS 31:26 - Biblia Guarani Tumpa Iñee

²⁶ Imiari yarakuaa katu reve, iporoaiu reve kavi oporomboarakuaa.

PROVERBIOS 31:26 ပူးပေါင်းရင်းမြစ်များ

ESTER 4:4

Jare yogüeru kuñatai reta jare eunuco reta oyeokuai mburuvicha guasu jembireko Ester pe vae, oikuaauka reta vaerä chupe mbae oasa oï vae. Jayave jae ipɨatɨtɨ yae; jare omondo temimonde omondeuka vaerä Mardoqueo pe, omboi vaerä jókuae temimonde jaimbe vae; ërei ngatu jae mbaetɨ oipota.

ESTER 5:8

Mburuvicha guasu ipɨakatu ko cheré yave, jare aiporu vae omee cheve chembopɨakatu vaerä yave, pɨareve eyu Amán ndive tembíu kavi ayapoa pe, jare pɨareve tamombeu ndeve, nde mburuvicha guasu reparandu cheve vae.

PROVERBIOS 10:31

Jupi vae iyuru güi oë arakuaa katu, ërei iñee pɨ̈chɨi vae güi oyeasɨata ikü.

PROVERBIOS 12:18

Oime amogüe, oporoapicha iñee rupi, ërei yarakuaa vae reta iñee, moa rami ko.

PROVERBIOS 16:24

Ñee yeaeä, ei rami ko, oporombovɨakatu jare oporomoingove katu.

PROVERBIOS 19:14

Kuimbae reta iporombopota jae ko, jo jare imbaeyekou taɨ reta imbaerä, ërei yandeYa iporombopota jae ko, kuña yarakuaa katu vae.

PROVERBIOS 25:15

Mbɨaguasu omoröɨsa mburuvicha iyarasɨ; ñee yeaeä omoröɨsa arasɨ.

PROVERBIOS 31:27

Jo pegua reta re oyemoambeko; mbaetɨ oiko ïru vae iparavɨkɨagüe reño.

CANTARES 2:14

Chepɨkasu kavi, ɨ̈vavira rupi oyemboaitɨ vae, ɨvate oyekaa rupi oiko vae, emaeño taecha nderova, emaeño taendu neñee. ¡Echa neñee ipöra yae ko! Jare ¡nepöra yae ko!”

CANTARES 4:11

¡Chemenda ïrurä vae, nderembe ei rami, oime nekü igüɨ pe ei jare neche! ¡Líbano pe mbaepotɨ ipiche kavi otimbo rami, jökorai nderemimonde ikäti kavi otimbo!

MALAQUÍAS 2:6

Mborookuai añete vae re oporomboe kavi reta, jare mbaetɨ oñeväe jese reta ikavimbae, mbɨakatu rupi jare jupi rupi yogüɨreko che ndive, jare jeta vae ombosɨrɨuka ikavimbae güi.

San Lucas 1:38

Jayave María jei araɨgua pe: —Mase, yandeYa jembiokuai ko che. Toyeapo cheve nde rere cheve rami. Jayave araɨgua ojo ye María oïa güi.

Hechos 18:26

Jae omboɨpɨ imiari okɨɨyembae reve judío reta itupao pe. Ërei Priscila jare Aquila oendu yave jei vae, güɨraja imiari jae ndive jaeño pe, jare omboe kavi Tumpa jemimbota re.

Hechos 6:15

Jayave opaete joko pe mburuvicha judío reta oguapɨ ñogüɨnoi vae omae ngatu Esteban re, jare oecha jova araɨgua jovaecha chupe reta.

Efesios 4:29

Agüɨye etei pemoë ñee pɨ̈chɨi vae. Pemoë ñee ikavi vae, pemomɨ̈rata vaerä ïru vae reta, oyeapɨsaka peré vae reta omboyerovia vae.

Colosenses 4:5

Peiko pearakuaa katu reve oporogüɨroviambae vae reta ndive. Peiporu kavi ara reta.

1 Pedro 3:1

Jaeramiño vi pe kuña reta peiko peme reta jeia re, jökorai yave, güɨroviambae Tumpa iñee vae reta ipuere güɨrovia pereko rupi, oyemombeumbae reve chupe reta.

JUECES 13:23

Ërei kuña jei: —YandeYa oipota yandeyuka yave, ngaraa tëi omae mɨmba oyeyukagüe opaetei oyeapɨ vae re, jare temitɨ jäɨgüe re, jare ngaraa oechauka yandeve opaete kuae mbaembae, ngaraa vi opa mbae omombeu yandeve.