PROVERBIOS 31:25 - Biblia Guarani Tumpa Iñee

²⁵ Oyemonde temimonde tätagüe pe jare ipöra yae vae pe, mbaetɨ etei oyemoambeko pɨareve peguarä vae re.

PROVERBIOS 31:25 ပူးပေါင်းရင်းမြစ်များ

JOB 29:14

Aiko ayemonde jupi vae pe rami, jare jae cheöva, ñeapevaka jare äka-regua rami cheve isɨmbi aiko vae.

JOB 40:10

Jayave eyemonde mburuvicha rami, yemboetea ikavi vae pe eñeova.

SALMOS 132:16

Amboyekuaata ndesacerdote reta re chembaepuere yemborɨ pegua, jare joko pe chembae vae reta oyeroviata.

SALMOS 132:9

Ndesacerdote reta toyemonde jupi vae pe; toyerovia ndembae vae reta.

ISAÍAS 61:10

¡Ayerovia yae cheYa re! Chepɨa oyerovia yae cheTumpa re, echa chemboyemonde yereroasayepe pe, temimonde pegua pe rami. ¡Cheöva jupi vae pe, ñeapevaka pe rami! Omendata vae oyemonde rami, kuñatai oñemopöra äka-regua jepɨ vae pe rami.

Romanos 13:14

Ërei peyemonde etei yandeYa Jesucristo pe. Agüɨye peñemee pesoo jemimbota pe.

Efesios 4:24

Peyemonde teko ipɨau vae pe, Tumpa jae rami oyapo vae pe, jupi vae pegua pe, oñeñono tee añetete pegua vae.

1 Timoteo 2:10

Ërei toyapo mbaembae ikavi vae. Kuña reta oñemee Tumpa pe vae oyapo rami.

1 Timoteo 2:9

Jaeramiño vi kuña reta toyemonde temimonde ikavi vae pe, ërei agüɨye ïru vae reta oecha vaeräño. Agüɨye oasa ete toyemoambeko ia re, mbaembae oro pegua re, ita ipöra yae vae re ani temimonde jepɨ yae vae re.