PROVERBIOS 30:5 - Biblia Guarani Tumpa Iñee

⁵ Opaete Tumpa iñee, ikɨambae ko, jae ko yeopiaka, opaete jese güɨ rovia vae reta peguarä.

PROVERBIOS 30:5 ပူးပေါင်းရင်းမြစ်များ

GÉNESIS 15:1

Opa kuaekuae reta oasa güire yandeYa oyeechauka Abram pe, jei reve chupe: —Agüɨye ekɨɨye Abram, che ko jae ndeyeopiaka. Mbaeyekou ndeparavɨkɨ jepɨgüe jeta yaeta.

2 SAMUEL 22:31

Tumpa jembiapo jupi ko; yandeYa iñee ikɨambae ko. ¡Yeopiaka ko opaete güɨrovia jese vae pe!

SALMOS 119:140

Neñee ikɨambae yae ko, jáeramo ko, che nderembiokuai aaɨu neñee.

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

SALMOS 144:2

Cheparareko vae, cheñepɨ̈roa, chepɨ̈rata nderé vae, chereroasayepe vae, cheyeopiaka, jese ayeko vae, jae oñono opaete cherëtaɨgua reta chembaepuere igüɨ pe.

SALMOS 18:2

CheYa, ita guasu cheñepɨ̈roa, cheñepɨ̈roka, chereroasayepe vae; cheTumpa, chepɨ̈rata nderé vae, ndereño ayeko vae, cheyeopiaka, mbaepuere chereroasayepe vae, cheñemía ɨvate yae vae.

SALMOS 18:30

Tumpa jembiapo ikavigüe yae ko, yandeYa iñee ikɨambae ko. ¡Yeopiaka ko opaete güɨrovia jese vae pe!

SALMOS 18:31

Echa, ¿oime ye pa ïru Tumpa cheYa Tumpa güi? ¿Oime pa ïru Tumpa ipuere yandereepɨ vae?

SALMOS 19:8

Sɨmbi ko yandeYa iporookuai reta, oporomboyerovia vae, ikɨambae ko yandeYa iporookuai, oechauka opaete mbaembae vae.

SALMOS 3:3

Ërei nde cheYa, jae ko cheyeopiaka, cheyemboetea, chemoäta ngatu vae.

SALMOS 84:11

Echa yandeYa Tumpa ko omboesape jare oporoepɨ vae; jae omeeta mboroaɨu jare mboromboete, ngaraa opɨ̈ro mbae ikavi vae, ipɨa jupi rupi oguata vae güi.

SALMOS 91:2

Ere yandeYa pe: “Cheyeroviaka jare cheñepɨ̈roa ko nde; ¡cheTumpa, arovia jese vae!”

PROVERBIOS 2:7

Jae omee arakuaa kavi sɨmbi vae reta pe, jae ko yeopiaka sɨmbi vae reta peguarä;

PROVERBIOS 29:25

Kuimbae güiño yaipoɨu vae, ñuai rami ko, ërei yandeYa reño oyeko vae, oyemboeteukata ko.

Romanos 7:12

Ërei mborookuai ikɨambae ko, jare mborookuai jei vae ikɨambae ko, jupi ko jare ikavi vae ko.

Santiago 3:17

Ërei arakuaa Tumpa güi ou vae, ikɨambae ko, ipɨakatuta ko, iporoaɨu ko, ipɨakavi ko, iporoparareko ko jare oyapo ikavigüe. Oporombotavɨmbae jare mbaetɨ jova mókoi.