PROVERBIOS 30:3 - Biblia Guarani Tumpa Iñee

³ Che, mbaetɨ ayemboe arakuaa re, mbaetɨ ave aikuaa Iyoambae vae regua.

PROVERBIOS 30:3 ပူးပေါင်းရင်းမြစ်များ

PROVERBIOS 30:4

¿Kia pa oyeupi ara kotɨ jare ogüeyɨ ye? ¿Kia pa ipuere oipɨɨ ɨvɨtu? ¿Kia pa ipuere ɨ oyapɨkua? ¿Kia pa opa oñono kavi ɨvɨ jembeɨ reta? ¿Mbae pa jee, jare mbae pa taɨ jee? ¡Ere cheve reikuaa yave!

PROVERBIOS 9:10

Arakuaa katu jae ko yandeYa güi yaipoɨ u vae; Iyoambae yaikuaa vae, jae ko arakuaa katu.

ISAÍAS 30:11

Peeya jupi vae, peyembosɨrɨ jókuae güi, agüɨye peyapo jókuae, agüɨye peñono oreróvai Iyoambae Israel pegua.”

ISAÍAS 57:15

Echa Tuicha yae ete vae, oikoño mai vae, jae ko jee iYoambae, jae jei: “Che aiko ɨvate jare oñeñono teea pe, ërei aiko vi oiporara jare ipɨatɨtɨ vae reta ndive, amee chupe tekove, jäta ngatu vaerä.

ISAÍAS 6:10

Embopɨatäta kuae tëta; eyapete iyapɨsa reta jare esaöva, agüɨye vaerä oecha reta jare oendu reta, jare ipɨa reta ave agüɨye toikuaa kavi, agüɨye toyepoepɨ reta jeko güi, okuera reta vaerä.”

ISAÍAS 6:3

Jare osapúkai päve jei oyoupe reta: “Iyoambae, Iyoambae, Iyoambae ko yandeYa Imbaepuere yae ete vae; opaete ɨvɨ tɨnɨe oï iyemboetea pe.”

San Mateo 11:27

Jayave jei ye: —CheRu omee ma cheve opaete mbaembae. Mbaetɨ kia oikuaa kavi cheregua, jaeño cheRu. Jaeramiño vi mbaetɨ kia oikuaa kavi cheRu regua, jaeño che jare che aikuaauka chupe vae reta.

San Mateo 16:17

Jayave Jesús jei Pedro pe: —Reyekou ko Simón, Jonás taɨ. Echa cheRu ara pe oï vae ko oikuaauka ndeve kuae. Mbaetɨ ko kia oikuaauka ndeve.

San Juan 17:3

Jare tekove opambae vae jae ko: Ndekuaa reta vaerä nde ko jae meteiño Tumpa añetete vae, jare che Jesucristo nde rembou vae.

Romanos 11:33

Tumpa yarakuaa tuichagüe yae ko, iyarakuaa katu yae ko. Yaupitɨ rapembae iyemongeta reta. Yaipapa rapeä ko jemimbota reta.

Apocalipsis 3:7

Eikuatía Filadelfia pegua oporogüɨrovia vae reta iaraɨgua pe: Iyoambae vae, Añetete vae, güɨnoi David imbaepuere vae, oipea yave mbaetɨ kia ipuere oyokenda ye vae, oyokenda yave, mbaetɨ kia ipuere oipea ye vae, jei:

Apocalipsis 4:8

Jare metei ñavo jókuae irundɨ oikove vae reta, güɨnoi ova ipepo, jare ipepo iárambo jare igüɨ rupi güɨnoi jeta jesa. Jare ikueraiä jei reta ara rupi jare pɨ̈tu rupi: “¡Iyoambae, iyoambae, iyoambae ko yandeYa Tumpa Imbaepuere yae ete vae, jae ko iyɨpɨ güive, añave jare outa vae!”