PROVERBIOS 3:9 - Biblia Guarani Tumpa Iñee

⁹ Emboete yandeYa mbaembae renoigüe pe, jare opaete ndembaagüɨyerɨpɨ reta pe.

PROVERBIOS 3:9 ပူးပေါင်းရင်းမြစ်များ

GÉNESIS 28:22

Kuae ita añono kuae pe vae topɨta oporomomaendúa avei vaerä, toiko Tumpa jo rami; jare opaete mbaembae remeeta cheve vae güi ambosɨrɨta payandepo güi metei ndeveguarä.”

2 CRÓNICAS 31:10

jare sacerdote tenondegua Azarías, Sadoc iñemuña pegua jei chupe: “Jókuae ara kuae mbota reta oyemboɨpɨ oyemboatɨ yandeYa jo pe güire, oime jeta rokaru jare jeta jembɨre oreve, echa yandeYa iporerekua imbae vae reta re.”

2 CRÓNICAS 31:21

Opaete mbaembae oyapo Tumpa jo pe vae, mborookuai jei rami, oeka iTumpa jemimbota, oyapo opaete ipɨa ndive jare oë kavi chupe.

SALMOS 144:13

Oreavatío reta, titɨnɨe oipotagüe temitɨ jäi pe, orerɨmba reta toñemuña jeta yeyé ñuu rupi.

ÉXODO 22:29

Agüɨye peäro peru vaerä cheve mbota pembaagüɨyerɨpɨ güi jare peuva tɨgüegüe güi. Peraɨrɨpɨ pemeeta cheve,

ÉXODO 23:16

Jökoraiño vi arete mbaagüɨye regua; pembaagüɨyerɨpɨ kó pe peñotɨ vae, jare arete mbaarɨvo regua año opata ma yave vae; pemboɨru ma yave peremitɨ yagüɨyegüe.

ÉXODO 23:19

Pembaagüɨyerɨpɨ ikavigüe peru che peYa Tumpa jo pe. Agüɨye kavara raɨ isoogüe pemboyɨ ichɨ ineche pe.

ÉXODO 34:26

Pembaagüɨyerɨpɨ ikavigüe peraja che peYa Tumpa jo pe. Agüɨye kavara raɨ isoo pemboyɨ ichɨ ineche pe.”

PROVERBIOS 11:25

Ipɨakavi vae, oiko kavita; oporoparareko vae, iporopararekota vi jese vae.

PROVERBIOS 14:31

Paravete vae güɨrekoasɨ katu vae, ikavimbae ko oyapo Iyapoa kotɨ; ërei omboete ko, paravete vae re güɨ noi mboroparareko vae.

ISAÍAS 43:23

Mbaetɨ peru cheve mɨmba oyeyukagüe opaetei oyeapɨ vaerä vae, mbaetɨ chemboete mɨmba oyeyukagüe pe ave. Che mbaetɨ ko pombogüérai aeka peve mbota vae rupi, mbaetɨ vi pomoambeko pemee vaerä cheve ikäti kavi vae incienso.

LEVÍTICO 19:25

jare pandepoa año pe, pepuere ma peu opaete temitɨ iagüe, echa jayave temitɨ reta ia jetata. Che ko peYa Tumpa.

NÚMEROS 15:20

Tenonde ete mbɨyaperä peyapo vae güi, pemee yandeYa pe mbota; trigo tenondegua ete oñemee rami.

San Mateo 25:17

Jökoraiño vi mókoi talento omboresive vae omboɨpɨ omombaravɨkɨ, jare jökorai omoïru ye mókoi.

1 Corintios 16:2

Tenondegua ara semana iyɨpɨ ñavo pe, metei ñavo peñovatu penoi rupi; peñovatu, agüɨye vaerä pemboatɨ che aja yave ramo.

DEUTERONOMIO 14:29

jare yogüeru Leví iñemuña reta yave, echa kuae reta pe mbaetɨ oñemee ɨvɨ peve oñemee rami, ani ketɨgua yogüɨreko pepɨte pe vae, ani tɨ̈reɨ jare imemano vae oiko perëta pe vae, tokaru jare tijɨ̈vɨata. Jökorai yandeYa Tumpa iporerekua vaerä peré opaete mbae peyapo vae rupi.