PROVERBIOS 3:6 - Biblia Guarani Tumpa Iñee

⁶ Enoi avei ndepɨa pe yandeYa, opaete mbae reyapo vae rupi, jare jae ndereroatata sɨmbi rupi.

PROVERBIOS 3:6 ပူးပေါင်းရင်းမြစ်များ

1 CRÓNICAS 28:9

Jare nde cheraɨ Salomón, eikuaa cheTumpa jare eyeokuai chupe opaete ndepɨa jupi reve jare nekɨ̈reɨ ngatu reve kavi, echa yandeYa oecha opaete vae ipɨa jare oikuaa oipotagüe yemongeta. Jayave, nde reeka yave, jae omeeta ndeve reväe vaerä; ërei resɨrɨ ko yave chugüi, ndembosɨrɨta iyeugüi jekuae avei pegua.

ESDRAS 7:27

Jayave Esdras ombaemboete körai: “Toyemboete yandeYa, ñaneñemuñagüe reta iTumpa, jae oñono kuae yemongeta mburuvicha guasu ipɨa pe, oyemboete vaerä yandeYa jo Jerusalén pe oï vae.

NEHEMÍAS 1:11

Romoñera cheYa Tumpa, añave eyeapɨsaka che nderembiokuai iyerure re, jare ïru nderembiokuai reta iyerure, jae reta oipota omboete nderee; emee añave che nderembiokuai pe toë ikavi mbaembae cheve, jare emeeuka cheve mboroparareko mburuvicha guasu güi.”

NEHEMÍAS 2:4

Mburuvicha guasu jei cheve: —¿Mbae pe pa chepuere romborɨ? Jayave ayerure Tumpa ara pe oï vae pe,

NEHEMÍAS 7:5

Jayave Tumpa oñono chepɨa pe amboatɨ vaerä tenondegua reta, mburuvicha reta jare opaete vae, oyepapa vaerä iñemuña ae ae rupi. Jare aväe tembikuatía ñemuña ñavo rupi, tenonde ma yogüeru oväe vae reta regua. Joko pe oyekuatía oï körai:

SALMOS 32:8

YandeYa jei: “Romboeta jare aikuaaukata ndeve kërai reiko vaerä; ayangareko aveita nderé.

PROVERBIOS 11:5

Mbaejupi ombosɨmbi jupi vae jeko, ërei iyoa vae, jeko pegua aeño okañɨtei.

PROVERBIOS 16:3

Opaete mbae reyapota vae, eñono yandeYa ipo pe, jayave, oë kavita ndeve opaete ndeyemongeta reta.

PROVERBIOS 16:9

Kuimbae oyemongeta mbae oyapo vaerä, ërei yandeYa ko jei, kërai oiko vaerä.

PROVERBIOS 23:17

Agüɨye ndepɨa pe emotareɨ iyoa vae reta; eipoɨu avei yandeYa güiño;

ISAÍAS 26:7

Jupi vae reta jeko isɨmbi ko, nde cheYa jupi vae ko, reñono kavi jupi vae japerä.

ISAÍAS 30:21

Pepia pota tëi tape güi yave, peenduta pekupe kotɨ ñee jei peve: “Kuae ko jae tape, peguata kuae rupi. Agüɨye pepia ketɨ ave yepe.”

ISAÍAS 45:13

Che ko añono Ciro oporomoamɨri vaerä, che amboipeta opaete tape chupe; jae omopüa yeta tëta guasu chembae, jare oyorata chembae vae reta tembipɨɨrä mombɨrɨ rupi ñogüɨnoi vae, okovarambae reve jese.” YandeYa Imbaepuere yae ete vae jei jökorai.

ISAÍAS 48:17

Körai jei yandeYa, ndeReepɨ vae, Tumpa Iyoambae Israel pegua: ‘Che ko jae ndeYa Tumpa, ndemboe kavi yae vae, ndemboe kërai reiko vaerä vae.

JEREMÍAS 10:23

CheYa, aikuaa ko metei ave mbaetɨ jekove jae imbaei, mbaetɨ mbaepuere güɨnoi tenonde kotɨ oikota oiko vae re.

JEREMÍAS 42:3

Eyerure ndeYa Tumpa pe, oechauka vaerä oreve kërai roiko vaerä jare mbae ko royapota vae.

NÚMEROS 9:20

Jare amapɨtu opɨta tupao guakapi pegua iárambo mbovɨ araño yave, yandeYa iporookuai rupi oyembojeyupa reta, jare yandeYa iporookuai rupi omboɨpɨ reta oguata.

1 Corintios 10:31

Ërei che jae peve opaete mbaembae peu vae rupi jare opaete mbaembae peyapo vae rupi pemboete Tumpa.

2 Corintios 8:16

Amee yasoropai Tumpa pe, kërai jae oñono Tito ipɨa pe kɨ̈reɨ pekotɨ, che anoi rami.

Filipenses 4:6

Agüɨye etei peyemoambaeko mbae re, jaeño peyerure Tumpa pe opaete mbaembae re, pemee reve yasoropai chupe.

Colosenses 3:17

Opaete mbaembae peyapo vae ani pere vae, peyapo opaete yandeYa Jesús jee re, pemee reve yasoropai yandeRu Tumpa pe yandeYa Jesús rupi.

Colosenses 3:23

Jare opaete mbae peyapo vae, peyapo pepɨa-kɨ̈reɨ ngatu reve, yandeYa pe peyapo rami, jare mbaetɨ kuimbae peguarä rami.

Santiago 1:5

Oime yave pegüi reta pe oata arakuaa vae, toiporu Tumpa pe. Jae omeeta opaete pe jeta rupi jare iñeengetambae reve.

1 SAMUEL 30:8

Jare David oparandu yandeYa pe jei reve: —¿Aaɨkuemoñata pa kuae imonda vae reta? ¿Aupitɨ retata pa? Jare yandeYa jei chupe: —Eaɨkuemoña reta, repɨ̈ro yeta jókuae oipɨɨ güɨrajagüe reta.