PROVERBIOS 3:5 - Biblia Guarani Tumpa Iñee

⁵ Eyeko yandeYa re opaete ndepɨa ndive; agüɨ ye eyeko ndearakuaa katu reño.

PROVERBIOS 3:5 ပူးပေါင်းရင်းမြစ်များ

ESDRAS 8:23

Royekuaku tembíu güi, jare royerure oreTumpa pe jókuae re, jare jae oendu oreve.

JOB 13:15

Mase, yepe tëi jae cheyuka, ërei jeseño ko ayekota; aepɨ tai ko cherekove jae jóvai.

SALMOS 125:1

YandeYa re oyeko vae reta, ɨvɨtɨ Sión rami ko, mbaetɨ omɨi, oï avei jenda pe.

SALMOS 37:3

Eyeko yandeYa re, jare eyapo ikavi vae; reikota ɨvɨ pe, jare jae ndeangarekota jupi rupi.

SALMOS 37:5

Eñeñono yandeYa ipo pe, eyeko jese, jare jae ndemborɨta ko.

SALMOS 37:7

Nekïrii eiko yandeYa jóvai, jare eäro. Agüɨye neñeenguru oiko kavi vae kotɨ, jókuae kuimbae oyapo ikavimbae vae kotɨ.

SALMOS 62:8

¡Cherëtaɨgua reta! Jeseño peyeko; pemee pepɨa chupe, Tumpa jae ko yandeveguarä ñaneñemía.

PROVERBIOS 22:19

Reyeko vaerä yandeYa re, aikuaauka vi ndeve añave.

PROVERBIOS 23:4

Agüɨye eyemoambeko reyemboikokatu vaerä; ndearakuaa ndeyeupe, agüɨye eipota.

PROVERBIOS 28:26

Oyererovia katu omae iyé vae, mbaetɨ ko yarakuaa, ërei yarakuaa katu reve oiko vae, oasayepeta.

PROVERBIOS 3:7

Agüɨye ndearakuaa katu emae ndeyé aeño; eipoɨu yandeYa güi jare esɨrɨ ikavimbae güi.

ISAÍAS 12:2

Tumpa ko jae chereroasayepe vae; tayeko jese, agüɨye takɨɨye, echa cheñepɨ̈roa ko jae, chetairari yandeYa kotɨño ko, jae ko chepɨ̈rata jare chereroasayepe vae.”

JEREMÍAS 10:23

CheYa, aikuaa ko metei ave mbaetɨ jekove jae imbaei, mbaetɨ mbaepuere güɨnoi tenonde kotɨ oikota oiko vae re.

JEREMÍAS 9:23

YandeYa jei körai: “Agüɨye yarakuaa vae toyemboete iyarakuaa re, jäta ngatu vae ave agüɨye toyemboete jäta ngatu re, jare oikokatu vae agüɨye toyemboete imbaeyekou reta re.

NÚMEROS 9:20

Jare amapɨtu opɨta tupao guakapi pegua iárambo mbovɨ araño yave, yandeYa iporookuai rupi oyembojeyupa reta, jare yandeYa iporookuai rupi omboɨpɨ reta oguata.

NÚMEROS 9:22

Ani amapɨtu opɨta yave mókoi ara, ani metei yasɨ, ani metei año tupao guakapi pegua iárambo, Israel iñemuña reta opɨta vi jeyupa pe, jare mbaetɨ omɨi reta; ërei amapɨtu oyemboɨvate yave, omboɨpɨ reta oguata.

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

Efesios 1:12

Oyemboeteuka vaerä ore rupi, ore räri Cristo re rogüɨrovia vae reta rupi.