PROVERBIOS 3:2 - Biblia Guarani Tumpa Iñee

² jare reiko pukuta, jare mbɨakatu oñemoïruta ndeve.

PROVERBIOS 3:2 ပူးပေါင်းရင်းမြစ်များ

1 REYES 3:14

Jare reguata yave cheremimbota rupi, reñovatu reve cheporookuai reta, nderu David oguatase rami, che ambopukuta nderekove.”

JOB 5:26

Ndendechi yae pe remanota, trigo yagüɨye ma yave oyemboɨru vae rami.

SALMOS 119:165

Ipɨakatu yae, ndeporookuai oaɨu vae reta, jae reta mbaetɨ ogüɨapi.

SALMOS 128:6

¡Eecha nerɨmɨmino reta! ¡Mbɨakatu toï Israel pe!

SALMOS 21:4

Tekove oiporu ndeve jare remee chupe; oikopuku vaerä jekuae avei pegua.

SALMOS 91:16

Amboyekouta tekove puku pe, ¡aechaukata chupe cheporogüɨroasayepe!”

PROVERBIOS 10:27

YandeYa güiño oipoɨu vae, oiko pukuta, ërei iyoa vae reta ngaraa yogüɨreko avei.

PROVERBIOS 16:31

Indechi vae imboetea ko, jupi rupi oiko jeko pegua.

PROVERBIOS 4:10

Cheraɨ, enoi ndepɨa pe cheñee reta, jayave reiko pukuta.

PROVERBIOS 4:4

jare cheru chemboe yepi körai: “Eñovatu ndepɨa pe cheñee reta; eyapo cheporookuai reta jare reikoveta reiko.

PROVERBIOS 9:11

Echa che arakuaa katu re ko reiko pukuta, jare oñemoïruta ndeve ɨma año reiko vaerä.

ISAÍAS 32:17

Jupi vae omboyekuaata, mbɨakatu, mbutuu jare yerovia katu jekuae avei pegua.

Romanos 14:17

Echa Tumpa iporookuaía mbaetɨ ko mbae jau vae, jae ko jupi vae, mbɨakatu jare yerovia katu Espíritu Santo rupi.

Romanos 15:13

Tumpa moroäro omee vae, tomee peve yerovia jare mbɨakatu peporogüɨrovia rupi. Penoi vaerä moroäro Espíritu Santo imbaepuere rupi.

Romanos 5:1

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi;

DEUTERONOMIO 11:21

pe jare peraɨ reta peiko puku vaerä ɨvɨ pe, yandeYa güɨrökuavee jee re peñemuñagüe reta pe omee vaerä vae pe, ara oiko avei ɨvɨ iárambo rami.

DEUTERONOMIO 5:32

Jayave, peyapo yandeYa Tumpa peokuai rami, agüɨye pepia chugüi kërai ave yepe.

1 Timoteo 4:8

echa yanderete yamongúe vae michi peguaño ikavi yandeve, ërei Tumpa oipota vae, opaete pegua ikavi, echa ikavita yandeve añave yaikove yaiko ramboeve, jare ñamano ma yave.