PROVERBIOS 3:18 - Biblia Guarani Tumpa Iñee

¹⁸ Arakuaa ko tekove, arakuaa oväe vae reta peguarä; ¡oyerovia ko jókuae oipɨɨ iyeupe vae reta!

PROVERBIOS 3:18 ပူးပေါင်းရင်းမြစ်များ

GÉNESIS 2:9

Jare yandeYa Tumpa ombokuakuaauka ɨvɨ güi opaete ɨvɨra ia ikavi yae oyekuaa jare ikavi yae oyeu vaerä vae. Jaeramiño vi oñono kó mbɨte pe ɨvɨra tekove pegua. Jare ɨvɨra, ikavi vae jare ikavimbae oikuaauka vae.

GÉNESIS 3:22

YandeYa Tumpa jei iyeupe: “Añave, kuimbae oiko ma yande rami, oikuaa ma ikavi vae jare ikavimbae vae re; ërei añave agüɨye tipóyai toekɨ tou ɨvɨra tekove pegua iagüe, echa jou yave oikopukuta.”

PROVERBIOS 11:30

Jupi vae jembiapo, tekove peguarä ko, tekove oaɨu vae, yarakuaa katu ko.

PROVERBIOS 13:12

Mbae oñeäro vae oväe raivimbae vae, oporombopɨatɨtɨ yae, ërei oyembopo vae, oporomboyerovia.

PROVERBIOS 15:4

Ñee yeaeä, tekove katu ko; ërei ñeeasɨ katu, oporombopɨatɨtɨ yae.

PROVERBIOS 4:13

Eipɨɨ ndeyeupe yemboarakuaa, agüɨye eeya; eñovatu opaete arakuaa, echa tekove ko ndeveguarä.

PROVERBIOS 8:32

Añave, cheraɨ reta, peyeapɨsaka cheré; oyerovia ko chereko omomoe vae.

PROVERBIOS 8:34

Oyerovia ko jókuae oyeapɨsaka cheré vae, jare ara ñavo cheräro chero jöke pe vae.

ECLESIASTÉS 7:12

Echa arakuaa katu oporoepɨ vi ko korepoti rami, ërei arakuaa oyapɨraa yé korepoti, echa omee tekove katu jókuae arakuaa güɨnoi vae pe.

Apocalipsis 2:7

Oipota oyeapɨsaka vae, toyeapɨsaka Espíritu Santo jei oporogüɨrovia vae reta pe vae re. Oporomoamɨri vae pe ameeta jou vaerä jókuae ɨvɨra tekove pegua, oime Tumpa jëta pe vae güi.’

Apocalipsis 22:2

Jare tëta guasu ikaye mbɨte pe, ɨ̈aka jovaicho icho pe oï ɨvɨra tekove pegua. Jókuae ɨvɨra ia doce. Yasɨ ñavo ia. Jare ɨvɨra jogüe ikavi tëtaguasu reta oñepoano vaerä.