PROVERBIOS 29:4 - Biblia Guarani Tumpa Iñee

⁴ Mburuvicha guasu jupi rupi kavi oiko vae, omomɨ̈rata jëtaguasu, ërei okovara reteiño opaño mbaembae re vae, omboai jëtaguasu.

PROVERBIOS 29:4 ပူးပေါင်းရင်းမြစ်များ

2 SAMUEL 8:15

Jare David oiko mburuvicha guasurä opaete Israel re; jupi rupi jare isɨmbi rupi oyapo mbaembae opaete vae pe.

1 REYES 2:12

Jare Salomón oguapɨ mburuvicha guasurä tu David jekovia pe, jare iporookuaía ikavi yae ete.

2 CRÓNICAS 9:8

¡Toyemboete ndeYa Tumpa ipɨakatu ndekotɨ vae, jare neñono mburuvicha guasurä vae! ¡Echa neTumpa oaɨu Israel ramo omopɨ̈rata jekuae avei pegua, jáeramo neñono mburuvicha guasurä jese reta, reporookuai vaerä jupi rupi jare sɨmbi rupi!”

JOB 11:6

Jare omombeu ndeve yaikuaa rapembae vae, arakuaa katu regua, echa jókuae arakuaa katu oyapɨraa ye ko mbaeyekou reta jepɨ yae vae. Jayave reikuaata Tumpa mbaetɨ ko oiporarauka ndeve mbaeyoa reyapo rami etei.

SALMOS 89:14

Ndeguapɨa mborookuaía pegua oï jupi jare sɨmbi vae re; mboroparareko jare añete vae ojo nderenonde.

SALMOS 99:4

Nde ko jae mburuvicha guasu imbaepuere yae vae, mbaejupi reaɨu vae, nde ko reyapo isɨmbi vae. Nde ko reyapo jupi vae jare isɨmbi vae Jacob iñemuña reta pe.

PROVERBIOS 14:34

Mbae jupi vae, ombotuicha tëtaguasu; ërei mbaeyoa, ñemomarai ko tëtaguasu reta peguarä.

PROVERBIOS 16:10

Mburuvicha guasu, jei añete vae Tumpa jee re, mbaetɨ oporojäa jupimbae rupi.

PROVERBIOS 16:12

Ikaviä yae ko mburuvicha guasu reta oyapo vaerä jaekavimbae, echa jupi vae rupi ko oñemomɨ̈rata mborookuaía.

PROVERBIOS 20:8

Mburuvicha guasu oguapɨ morojäa renda pe yave, imae rupiño oikuaa opaete ikavimbae.

PROVERBIOS 29:14

Mburuvicha guasu oporojäa jupi rupi kavi paravete vae reta re vae, iporookuaía oikota jekuae avei pegua.

PROVERBIOS 8:15

Cherupi oporookuai mburuvicha guasu reta, jare mburuvicha reta jupi rupi mbae oyapo vae.

ISAÍAS 49:8

YandeYa jei: “Ou ma oväe aechauka vaerä cheporoaɨu, jáeramo ayeapɨsaka nderé, ou ma oväe yereroasayepe iara, jáeramo romborɨ. Che ko roñovatu, nderupi ayapo vaerä ñererökuavee päve tëta ndive, amopüa ye vaerä kuae tëtaguasu, amee ye vaerä iyagüe reta pe ɨvɨ opa oyemboai oï vae.

ISAÍAS 9:7

Iporookuaía tuicha yaeta, jare mbɨakatu mbaetɨta opa David iguapɨa re jare iporookuaía re, oñono kavita ñejäa jupi rupi, jare isɨmbi rupi añave güive oiko avei vaerä. YandeYa imbaepuere yae vae jägüɨro rupi oyapota kuae.

DANIEL 11:20

Jekovia pe oguapɨta ïru mburuvicha guasu; jae oñonota okovara vae oyemboikokatu yae vaerä; ërei mbovɨ añoa peño oyuka retata, mbaetɨta arasɨ rupi ani ñeraro pe.

MIQUEAS 7:3

Oikatu yae oyapo reta vaerä ikavimbae; mburuvicha reta oekɨ mbae iyeupe ïru vae reta güi, jare oporojäa vae reta oporojäa jepɨ chupe ramoño; mbaepuere güɨnoi vae imiari ipɨa jeiaño, jare opaete vae reta omborɨ katu.

1 SAMUEL 13:13

Jayave Samuel jei Saúl pe: —¡Mbaetɨ etei jaekavi kuae reyapogüe! Mbaetɨ reñovatu yandeYa Tumpa iporookuai, ndeokuai jese vae; echa añave omoañete eteta tëi ko ndeporookuaía Israel re jekuae avei pegua.