PROVERBIOS 29:2 - Biblia Guarani Tumpa Iñee

² Jupi vae reta ñogüɨnoi mburuvicharä yave, tëta pegua reta oyerovia katu, ërei jupimbae reta ñogüɨnoi mburuvicharä yave, tëta pegua reta oiporara yae.

PROVERBIOS 29:2 ပူးပေါင်းရင်းမြစ်များ

ESTER 3:15

Jare tupapire jerajaa reta oë aramoete pegua mburuvicha guasu iporookuai jei rami, kuae mborookuai oñemee Susa pe, kuae tëta güi mburuvicha reta oporookuai. Jare mburuvicha guasu okau Amán ndive ramboeve Susa pegua reta ipɨa kaviä yae ñogüɨnoi.

ESTER 8:15

Mardoqueo oë mburuvicha guasu oïa güi temimonde mburuvicha pegua jovɨ jare tïi vae ndive, jare äka-regua oro pegua tuicha vae ndive, jare oñeapeva lino pegua pɨ̈ta vae pe. Jayave tëta guasu Susa pegua reta oyerovia yae jare oyekou.

JOB 34:30

agüɨye vaerä oporookuai tëta re, metei jeko pɨ̈chɨi vae oporombotavɨ vaerä.

PROVERBIOS 11:10

Jupi vae reta jeko kavi ramo tëta guasu pe, oime yerovia katu, ërei iyoa vae reta omano yave oime yerovia.

PROVERBIOS 28:12

Jupi vae reta oyerovia yave, tuichagüe ko yerovia, ërei jupimbae reta oñemopüa yave, oñemi opaete vae reta.

PROVERBIOS 28:15

Yaguapope oñee mbae oeka ani oso yɨmbɨaɨ yae oï vae rami, jökorai ko mburuvicha jupimbae oï metei tëta paravete vae juvicharä yave.

PROVERBIOS 28:28

Jupimbae reta oñemopüa yave, kuimbae reta opa oñemi; ërei opa okañɨtei reta yave, jupi vae r eta oñemuña.

ECLESIASTÉS 10:5

Oime aecha ikavimbae kuae ɨvɨ pe oyeapo vae, jókuae ikavimbae mburuvicha reta güi etei oë, jae ko:

ECLESIASTÉS 10:6

Oñono reta mburuvicharä yarakuaambae; ërei yarakuaa vae reta mbaetɨ mbaererorä yogüɨreko.

ECLESIASTÉS 4:1

Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

San Mateo 2:16

Jayave Herodes oikuaa jókuae yasɨtata re oyemboe vae reta mbaetɨ oyapo jae jei vae, iyarasɨ yae, jare omondo sundaro reta oyuka vaerä opaete michia kuimbae Belén pe jare Belén iyɨpɨ rupi ñogüɨnoi vae reta ndei mókoi año güɨnoi vae güi ɨ́vɨkotɨ. Yasɨtata re oyemboe vae reta omombeu Herodes pe kërai yave güi ma ko oecha reta yasɨtata vae rami.

San Mateo 2:3

Mburuvicha guasu Herodes kuae oendu yave, okɨɨye. Jare opaete Jerusalén pegua reta okɨɨye vi.

Apocalipsis 11:15

Jare araɨgua omoñee chiúa mimbɨguasu yave, oyeendu ñee reta tätagüe, jei: “Mborookuaía reta ɨvɨ pegua ou opɨta yandeYa jare Cristo ipo pe. Jare jae oporookuaita jekuaekuae avei rupi.”