PROVERBIOS 29:12 - Biblia Guarani Tumpa Iñee

¹² Mburuvicha oyeapɨsaka yave apu re, opaete imborɨa reta pe oyavɨukata ko.

PROVERBIOS 29:12 ပူးပေါင်းရင်းမြစ်များ

GÉNESIS 39:19

Jayave José iya oendu yave jembireko imiari chupe vae, echa jei: “Körai cheapo nderembiokuai.” Kuae omboarasɨ yae José iya.

1 REYES 12:14

jare imiari chupe reta, taɨrusu vae reta omboarakuaa rami, jei reve: Cheru ombojeiete yae ko peve iporookuai, ërei che jeieteta amoïru peve mborookuai. Cheru oiporarauka peve tɨmasa pe, ërei che aiporaraukata peve mbae jasɨ yae ete vae pe.

2 REYES 21:9

Ërei jae reta mbaetɨ oendu. Manasés oasa ete oyapouka ikavimbae chupe reta tëtaguasu pegua reta jeko kavimbae, yandeYa opa omokañɨtei Israel iñemuña reta güi vae güi.

PROVERBIOS 20:8

Mburuvicha guasu oguapɨ morojäa renda pe yave, imae rupiño oikuaa opaete ikavimbae.

PROVERBIOS 25:23

Ɨvɨtuguasu kotɨgua ɨvɨtu omaeñoä okɨ; jökorai ko indaye pota vae re, jova arasɨ omae vae.

JEREMÍAS 37:2

Ërei ngatu Sedequías, ani iyɨvɨrigua mburuvicha reta ani tëta pegua reta ave, mbaetɨ oyeapɨsaka yandeYa jei ñeemombeúa Jeremías rupi vae re.

1 SAMUEL 18:22

Jayave Saúl oyókuai jembiokuai reta jei: —Pemiari vɨari David pe jare pere chupe, mburuvicha guasu jare opaete jembiokuai reta nderaɨu, eiko mburuvicha guasu jovayarä.