PROVERBIOS 29:10 - Biblia Guarani Tumpa Iñee

¹⁰ Oporoyuka vae reta güɨröɨro jupi vae, ërei jupi vae reta, oeka kërai ombopɨa katu vaerä.

PROVERBIOS 29:10 ပူးပေါင်းရင်းမြစ်များ

1 REYES 21:20

Jare Acab jei Elías pe: —¿Jayave cheväe cherovaicho? Elías jei: —Jökorai. Echa ikavimbae vaeño reyapo yandeYa jesa róvai.

1 REYES 22:8

Mburuvicha guasu Israel pegua jei Josafat pe: —Oime metei, jupi yandepuere yaparandu yandeYa pe, jae ko Micaías, Imla taɨ, ërei che amotareɨ yae ko, echa mbaetɨi omombeu kavi ñee ikavigüe cheve, jaeño ikavimbae. Ërei Josafat jei chupe: —Agüɨye jökorai ere mburuvicha guasu.

2 CRÓNICAS 18:7

Mburuvicha guasu Israel pegua jei chupe: —Oime metei, jupi yandepuere yaparandu yandeYa pe. Jae ko Micaías, Imla taɨ. Ërei amotareɨ ko, echa mbaetɨi omombeu mbae ikavi vae cheve jaeño ikavimbae vae. Jare Josafat jei chupe: —Agüɨye jökorai ere mburuvicha guasu.

SALMOS 59:2

Chereepɨ jeko kavimbae reta güi, chereroasayepe oporoyuka vae reta güi.

PROVERBIOS 13:19

Temimbota kavi oyembopo vae, oporomboyerovia ko, ërei yarakuaambae reta pe, ikaviä etei oeya vaerä ikavimbae.

PROVERBIOS 29:27

Jupi vae reta güɨröɨro kuimbae jeko kavimbae reta, jare jupimbae güɨröɨro kuimbae sɨmbi rupi oiko vae.

PROVERBIOS 29:9

Yarakuaa vae, oyoaka yarakuaambae ndive yave, yepe tëi iyarasɨ ani opuka, ngaraa oñono kavi teko.

JEREMÍAS 18:20

¿Ikavimbae pe yera oyemboekovia ikavi vae? ¡Jae reta oyoo rami ɨvɨkua cherekove peguarä! Nemaendúa che añeñono nderóvai romoñera vaerä jese reta, rembosɨrɨ vaerä chugüi reta ndearasɨ.

JEREMÍAS 38:13

Jökorai güɨnoe reta Jeremías tɨmasa pe ɨrɨru güi; jare opɨta tembipɨɨrɨru joka pe.

JEREMÍAS 38:7

Jare Ebed-melec eunuco Etiopíaɨgua, mburuvicha guasu jo pegua, oikuaa Jeremías oñono reta ɨrɨru pe. Jare mburuvicha guasu oguapɨ oñono kavi teko oï öke Benjamín jee vae pe.

San Lucas 23:34

Jayave Jesús jei: —¡CheRu, neɨ̈ro chupe reta. Echa mbaetɨ oikuaa reta oyapo ñogüɨnoi vae! Jayave sundaro reta omboyao oyoupe Jesús jemimondegüe, oyombosuerte reta jese.

San Juan 5:34

Ërei che mbaetɨ aeka kia imiari vaerä cheré, ërei kuae che jae peve peyemboasauka vaerä.

Hechos 7:60

Jayave oyetavatɨka, jare iñeeäta reve jei: “CheYa, agüɨye eiporarauka chupe reta kuae mbaeyoa re.” Jare kuae jei yave, omano.

Romanos 10:1

Cherɨvɨ reta, añetete chepɨa pe aipota yae jare ayerure Tumpa pe vae ko Israel pegua reta oyemboasauka vaerä.

1 SAMUEL 15:11

—Chembopɨatɨtɨ Saúl añono ramboeve mburuvicha guasurä, echa opia chegüi, jare mbaetɨ oyapo jaegüe. Jare Samuel ipɨatɨtɨ yae, oyerure yandeYa pe opaete jókuae pɨ̈tu omoñera reve.