PROVERBIOS 29:1 - Biblia Guarani Tumpa Iñee

¹ Oyemboeta chupe vae oyembopɨa täta yave, güɨramoiño okañɨteita, mbaetɨta kia oepɨ vae.

PROVERBIOS 29:1 ပူးပေါင်းရင်းမြစ်များ

1 REYES 17:1

Jayave Elías, Tisbe pegua, jae ko ɨvɨ Galaad kotɨgua, jei Acab pe: “¡YandeYa Israel iTumpa, jóvai aï vae jee re, mbaetɨta ama jare mbaetɨta ɨsápɨi ave kuae año reta rupi, che jae yaveño!”

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

1 REYES 20:42

Jayave ñeemombeúa jei chupe: —Körai jei yandeYa: “Echa nde remaeño ojo ye kuimbae omano vaerä tëi ko vae jeko pegua nderekove pe remboepɨta, jare ndembae vae reta omboepɨta jekove pe, jókuae mburuvicha imbae vae reta jekove.”

1 REYES 22:28

Micaías jekuae jei ye: “Nde reyerova ko mbɨakatu ndive yave, yandeYa mbaetɨ ko jayave imiari cherupi.” Jare jei opaete vae reta pe: “¡Opaete vae reta, peendu!”

2 CRÓNICAS 25:16

Ërei ñeemombeúa jei oï kuaekuae yave, mburuvicha guasu jei chupe: —¿Ndeparavo reta pa mburuvicha guasu remboarakuaa vaerä? ¡Agüɨye jökorai! ¿Ani reipota pa ndeyuka reta? Kuae ñee opa jei yave, ñeemombeúa jei: —Che aikuaa Tumpa oñono ma ndemboai vaerä kuae reyapo jeko pegua, mbaetɨ ramo reipota reendu cheporomboarakuaa.

2 CRÓNICAS 33:10

YandeYa ombou ñee Manasés pe jare imbae vae pe; ërei jae reta mbaetɨ oyeapɨsaka jese.

2 CRÓNICAS 36:13

Oyembopɨapochɨ vi mburuvicha guasu Nabucodonosor kotɨ, jókuae oyapouka tëi chupe Tumpa jee re oï vaerä imborɨarä vae; jare oyembopɨa täta jare oyembopɨarai agüɨye vaerä oyerova ye yandeYa, Israel iTumpa kotɨ.

NEHEMÍAS 9:29

Remboeta chupe reta oyerova ye vaerä ndeporookuai kotɨ; ërei jae reta oyembopɨapochɨ, mbaetɨ oendu jare iyoa reta ndeporookuai kotɨ, kuimbae oyapo ndeporookuai reta jeigüe yave oikove; oñemopüa reta ndekotɨ, oyembopɨa täta reta, jare mbaetɨ oyeapɨsaka reta.

JOB 9:4

Jae iyarakuaa katu yae vae ko, jare imbaepuere yae vae ko, ¿kia pa omotäta ipɨa Tumpa kotɨ yave, oë kavi?

ÉXODO 9:7

Jayave Faraón omondo omae vaerä Israel iñemuña reta jɨmba re, jare oecha reta mbaetɨ etei metei ave omano. Ërei Faraón ipɨa oñemotäta, jare mbaetɨ omaeño yogüɨraja Israel iñemuña reta.

PROVERBIOS 28:14

Oyerovia ko Tumpa güiño oipoɨu avei vae, ërei ipɨa omotäta vae, oata ikavimbae pe.

PROVERBIOS 28:18

Jupi rupi oiko vae, oasayepeta, ërei ipɨapochɨ vae, oata ikavimbae pe.

PROVERBIOS 28:28

Jupimbae reta oñemopüa yave, kuimbae reta opa oñemi; ërei opa okañɨtei reta yave, jupi vae r eta oñemuña.

PROVERBIOS 6:15

Jáeramo, güɨramoi peguaño outa chupe mbaesusere; güɨramoi peguaño oiporara yaeta, mbaetɨta ma moa chupeguarä.

ISAÍAS 28:22

Jayave, ¡agüɨye mo pepuka puka!, agüɨye vaerä jeiete ikaviä teko peve; echa aendu yandeYa Imbaepuere yae ete vae, jei ma opa vaerä oyemboai kuae ɨvɨ.

ISAÍAS 48:4

Rokuaa ndepɨa täta yae ko, jiero täta rami, jare jiero iyu vae rami vae,

JEREMÍAS 14:19

CheYa, ¿remombo ete pa ko Judá? ¿Reröɨro pa tëta guasu Sión? ¿Maera pa ko orembopere, rokuerambae vaerä? Roäro tëi mbɨakatu, ërei mbaetɨ mbae ikavigüe ou oreve. Roäro tëi rokuera vaerä, jaeño jeiete kɨɨye ou oreve.

JEREMÍAS 17:23

Ërei jae reta mbaetɨ oendu, ñäteɨ oyapo reta jaegüe, jaeño oyembopɨapochɨ reta agüɨye vaerä oendu, ñenupa rupi ave mbaetɨ oipota oendu reta.’

JEREMÍAS 36:31

Jae jare iñemuña reta, jare iyɨvɨrigua mburuvicha reta pe aiporaraukata iyoa jeko pegua. Ambouta jese reta, jare Jerusalén pe yogüɨreko vae reta re jare opaete Judá pegua reta re opaete susere reta amoërakua vae, jae reta mbaetɨ oipota oendu vae.’ ”

HABACUC 2:7

Güɨramoiño yogüeruta ndeve mbae iya reta, opüata nderé jare nde rerɨrɨita rekɨɨye güi, jare ndereeyata ndepogüɨrai.

San Juan 13:18

Opaete pe reta reä ko chemiari aï. Che aikuaa kia reta ko jae cherembiparavo. Ërei Tumpa Iñee pe oyekuatía oï vae oyembopota ko. Echa oyekuatía oï körai: “Jókuae okaru che ndive vae oyeapata cheré.”

San Juan 13:26

Jesús jei: —Jókuae ameeta mbɨyape amoäkɨgüe chupe vae ko jae. Jayave omoäkɨ mbɨyape tembíu pe omee Judas Iscariote, Simón taɨ pe.

Hechos 1:18

Ërei jae ikavimbae oyapo vae jepɨgüe re ogua metei ɨvɨ. Joko pe oa ɨvate güi, jare jɨe osoro, opaetei ichuri oyekuavo.

Hechos 1:25

jae oporomborɨ vaerä kuae mbaravɨkɨ pe, jare oiko vaerä temimondorä, Judas iyoa jeko pegua oeya vae pe, jae ojo ma jendarä oiparavoa pe.”

1 Tesalonicenses 5:3

ɨvɨ pegua reta jei yave: “Mbɨakatu jare pɨagüive.” Jayave iparanoe outa chupe reta kañɨtei, jare oiporarata kuña imembɨrasɨ vae rami, jare ngaraa oasayepe reta.

1 SAMUEL 2:25

Metei kuimbae iyoa yave japicha kotɨ, mburuvicha oporojäa vae reta ojäata; ërei metei kuimbae iyoa yave yandeYa kotɨ, ¿kia ra oñemoëta jese?” Ërei jókuae kunumi reta mbaetɨ oyandu tu jei chupe vae, echa yandeYa oyemongeta ma opa vaerä oyuka.

1 SAMUEL 2:34

Kuae oikota ikañɨmaa ndeve vaerä, nderaɨ Ofni jare Finees omanota mókoi reve metei ara peño.