PROVERBIOS 28:4 - Biblia Guarani Tumpa Iñee

⁴ Tumpa iporookuai güi oyembosɨrɨ vae reta omboete iyoa vae reta, ërei mborookuai oyapo vae reta oyoaka jókuae reta ndive.

PROVERBIOS 28:4 ပူးပေါင်းရင်းမြစ်များ

1 REYES 18:18

Jare Elías jei chupe: —Che mbaetɨ ko aiporarauka Israel pegua reta, nde, nderaɨ reta jare nerëtara ko, echa peeya yandeYa iporookuai reta, jare pemboete baal reta.

1 REYES 18:21

Jayave Elías oya katu opaete yatɨ vae reta re, jare jei: —¿Kërai regua pa jekuaeñota peiko mókoi yemongeta ndive? YandeYa ko Tumpa yave, peguata jupieño; ani Baal ko yave, peguata jupieño. Jare opaete vae reta mbaetɨ iñee omoë.

NEHEMÍAS 13:15

Jókuae ara rupi aecha oime amogüe Judá pegua reta oyapo vino ara mbutuu pe vae, trigo oyeokuagüe ovoɨ vae reta, jare ovoɨ vi vino imburika re, ani uva, ɨva jare oipotagüe voɨta güeru reta Jerusalén pe ara mbutuu pe. Jayave añeengata chupe reta jókuae ara omaemee vae re.

NEHEMÍAS 13:28

Jare metei Joiada taɨ, sacerdote tenondegua Eliasib jɨmɨmino amombo cheɨpɨ güi; jókuae kuimbae ko Sanbalat horonita jovaya.

SALMOS 10:3

Echa jeko kavimbae oyemboete ipɨa jemimbota reño, imbaepotarai vae iñee kaviä, jare nereröɨro cheYa.

SALMOS 49:18

Yepe tëi oikove oiko ramboeve, oyerovia katu, jare imbaeyekou jeko pegua omboete yae vae.

JEREMÍAS 5:30

‘Yavaetegüe jare ikavimbae yae vae oasa oï kuae tëtaguasu pe. Jae ko:

San Mateo 14:4

Echa tenonde yave Juan jei Herodes pe: “Mbaetɨ ko kavi rereko vaerä nderɨvɨ jembireko.”

San Mateo 3:15

Jayave Jesús jei chupe: —Ikavi ko nde chembobautisa vaerä añave, echa jökorai yayapo opaete jupi vae. Jayave Juan ombobautisa Jesús.

San Mateo 3:7

Jare oecha jeta fariseo reta jare saduceo reta yogüeru Juan oporombobautisa oïa pe yave, jei chupe reta: “Pe reta ko jae mboi reta rami. ¿Kia pa omombeu peve peyerova vaerä Tumpa kotɨ, agüɨye vaerä jae oiporarauka peve?

Hechos 12:22

Jare jae reta osapúkai reve jei: “¡Tumpa iñee ko, kuimbae iñeeä ko kuae!”

Hechos 15:2

Pablo jare Bernabé täta oyoaka jae reta ndive. Jayave oporogüɨrovia vae reta oiparavo Pablo jare Bernabé jare ïru vae reta jae reta ipɨte güi, yogüɨraja vaerä Jerusalén pe imiari kuae re temimondo reta jare oporogüɨrovia vae reta itenondegua reta ndive.

Hechos 19:9

Ërei amogüe ipɨatäta jare mbaetɨ oipota güɨrovia, jei reta ñee ikavimbae vae tëta guasu pegua reta jovake Tape pɨau kotɨ. Jayave Pablo ojo chugüi reta, jare güɨraja jae ndive oporogüɨrovia vae reta, jare oyoaka ara ñavo Tiranno jee vae oporomboea pe.

Romanos 1:32

Kuae reta oikuaa tëi Tumpa jei kërai jókuae ikavimbae iyapoa reta omano tai ko. Ërei jae reta jeieteño oyapo jare ipɨakatu reta vi jókuae nunga iyapoa reta ndive.

Efesios 5:11

Agüɨye etei peñemoïru pɨtumimbi pe yogüɨreko vae reta jembiapo pe, ërei pemboete ikavimbae ko jókuae reta jembiapo vae.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.

1 Juan 4:5

Echa jae reta ɨvɨ pegua ko. Jáeramo imiari mbaembae ɨvɨ pegua reño, jare ɨvɨ pegua reta oyeapɨsaka kavi jese reta.

Judas 1:3

Cherɨvɨ aaɨu vae reta, chekɨ̈reɨ yae aikuatía peve yandeyemboasa regua. Ërei ikavi cheve aikuatía vaerä peve pomboarakuaa vaerä peñemoäta ngatu mborogüɨrovia oñemee oñeñono tee vae reta pe vae re.