PROVERBIOS 28:16 - Biblia Guarani Tumpa Iñee

¹⁶ Mburuvicha yarakuaambae, ombojeiete mbae ikavimbae jasɨ katu vae, ërei mbaetɨ imbaepotarai vae oiko pukuta.

PROVERBIOS 28:16 ပူးပေါင်းရင်းမြစ်များ

1 REYES 12:10

Jayave jókuae iyaveigua taɨrusu vae reta, jae ndive okuakuaa vae reta, jei chupe: —Körai ere kuae tëta pegua reta jei ndeve vae pe: Nderu ombojeiete yae ko oreve iporookuai, ërei nde embovevɨi mí kërai yepe oreve; körai emomiari reta: “Chepoäka raɨ imbaepuere yae ko cheru imbaepuere güi.

1 REYES 12:14

jare imiari chupe reta, taɨrusu vae reta omboarakuaa rami, jei reve: Cheru ombojeiete yae ko peve iporookuai, ërei che jeieteta amoïru peve mborookuai. Cheru oiporarauka peve tɨmasa pe, ërei che aiporaraukata peve mbae jasɨ yae ete vae pe.

NEHEMÍAS 5:15

Ërei ïru mburuvicha reta tenonde yogüɨreko chegüi vae, oiporarauka opaete vae reta pe, echa ara ñavo okovara reta okaru jare okau vaerä cuarenta reare korepoti pegua, jare jembiokuai reta ave oiporarauka opaete vae reta pe. Ërei che mbaetɨ ayapo jókuae, aipoɨu ramo Tumpa güi.

ÉXODO 18:21

Jare eiparavo opaete vae güi, kuimbae oikatuta tëta güɨroata vae, Tumpa güi oipoɨu vae, kuimbae jupi vae, imbaepotaraimbae; jare eñono mil vae reta juvicharä, cien, cincuenta jare payandepo kuimbae reta juvicharä.

PROVERBIOS 15:27

Imbaepotarai vae, güɨrokomegua jo aeño; ërei mbaemboepɨ vɨari güɨröɨro vae, oiko kavita.

ECLESIASTÉS 10:16

¡Paravete tëtaguasu, juvicha guasu taɨrusu yae vae, jare juvicha reta iarete reteiño vae!

ECLESIASTÉS 4:1

Javoi amae opaete tekorai oyeapo kuae ɨvɨ pe vae re. Aecha oyaeo yogüɨrekoasɨ katu vae reta, jare mbaetɨ kia ombopɨakatu reta vaerä. Echa oporogüɨrekoasɨ katu vae reta güɨnoi mbaepuere jese reta.

ISAÍAS 3:12

Tëta chembae vae pe oiporarauka reta vae, kunumi retaño ko; jare kuña reta ko ñogüɨnoi mburuvicharä jese. Tëta chembae vae, nderuvicha reta ndembotavɨ, ndereroata ïkotɨa rupi.

AMÓS 4:1

Peendu kuae ñee, guaka reta Basán pegua, Samaria iɨvɨtɨ re peiko vae, peyuvanga paravete vae reta re vae; peme reta pe pere: “Peru vino rou vaerä.”