PROVERBIOS 28:15 - Biblia Guarani Tumpa Iñee

¹⁵ Yaguapope oñee mbae oeka ani oso yɨmbɨaɨ yae oï vae rami, jökorai ko mburuvicha jupimbae oï metei tëta paravete vae juvicharä yave.

PROVERBIOS 28:15 ပူးပေါင်းရင်းမြစ်များ

2 REYES 15:16

Jayave Manahem omboai tëta Tifsa, jare opaete joko pe yogüɨreko vae, jare vi opaete iyɨvɨrigua reta Tirsa güive opa omboai, echa mbaetɨ oipea reta chupe tëta guasu reta jöke reta. Jare oipeka opaete kuña reta ipurúa vae jɨe.

2 REYES 2:24

Eliseo oyerova omae jókuae kunumi reta re, jare oyepopeyu jese reta yandeYa jee re. Jökorai rupive oë mboapɨ oso kaa güi, jare opa oyuka cuarenta y dos jókuae kunumi reta güi.

2 REYES 21:16

Manasés jeta yae vi oyuka jekombae Jerusalén pe, jókuae iyoa rupi oyapouka mbaeyoa Judá pe vae güi, jökorai oyapo ikavimbae yandeYa jesa róvai.

ÉXODO 1:13

Jare Egiptoɨgua reta güɨrekoasɨ katu yae Israel iñemuña reta.

ÉXODO 1:22

Jayave Faraón oyókuai opaete jëtaɨgua reta, körai: “Pemombo ɨ pe opaete michia raɨ kuimbae oa vae, ërei kuña ko yave pemaeño toikove.”

PROVERBIOS 17:12

Jaekaviño ko ñañoövaiti mɨmba imembɨmii vae imembɨ oñepɨ̈ro chugüi vae ndive, metei iyarakuaambae ndive ñañoövaiti vae güi.

PROVERBIOS 19:12

Mburuvicha guasu iyarasɨ, yaguapope pochɨ vae iñee rami, ërei ipɨakavi, ɨsápɨi oa ñana re rami.

PROVERBIOS 20:2

Mburuvicha guasu iyarasɨ, yaguapope pochɨ yae vae iñee rami ko; mburuvicha guasu omboarasɨuka vae, jaeño ko oyapo iyeupe teko.

PROVERBIOS 29:2

Jupi vae reta ñogüɨnoi mburuvicharä yave, tëta pegua reta oyerovia katu, ërei jupimbae reta ñogüɨnoi mburuvicharä yave, tëta pegua reta oiporara yae.

ISAÍAS 14:5

YandeYa omboai ipɨapochɨ vae imbaepuere, opɨ̈ro mburuvicha iyoa vae reta ipopoka mborookuai pegua,

ISAÍAS 14:6

tëtaguasu reta pe oiporarauka yepi iyarasɨ reve vae, oinupa avei yepi vae, iyarasɨ reve oyokuaiasɨ katu yepi tëtaguasu reta vae, oyapo yepi jeta ikavimbae chupe reta vae ipïrimbae reve vae.

OSEAS 13:8

Aëta tape pe aövaiti metei oso kuña imembɨ oñepɨ̈ro chugüi vae rami, amopächata. Yaguapope oporou rami opata jau, mbaeporou oporoapo rami opata ambojaɨ jaɨ.

OSEAS 5:11

Efraín pegua reta oiporara yae, yogüɨrekoasɨ katu, echa oiparavo omboete vaerä tumpa-raangaño.

SOFONÍAS 3:3

Juvicha reta yaguapope oñee vae rami, oporojäa vae reta, aguarayaɨmba ñuu rupigua rami, mbaetɨ omoembɨre maekägüe pɨareve peguarä vae rami.

San Mateo 2:16

Jayave Herodes oikuaa jókuae yasɨtata re oyemboe vae reta mbaetɨ oyapo jae jei vae, iyarasɨ yae, jare omondo sundaro reta oyuka vaerä opaete michia kuimbae Belén pe jare Belén iyɨpɨ rupi ñogüɨnoi vae reta ndei mókoi año güɨnoi vae güi ɨ́vɨkotɨ. Yasɨtata re oyemboe vae reta omombeu Herodes pe kërai yave güi ma ko oecha reta yasɨtata vae rami.

1 Pedro 5:8

Peyeandu katu jare peïndaivi, echa perovaicho aña guasu yaguapope oñee rami oeka kia omokañɨtei vaerä.