PROVERBIOS 28:11 - Biblia Guarani Tumpa Iñee

¹¹ Kuimbae oikokatu vae, yarakuaa yae ko omae iyé; ërei paravete reve yarakuaa katu vae, oikuaa chugüi kërai ko jae vae.

PROVERBIOS 28:11 ပူးပေါင်းရင်းမြစ်များ

JOB 32:9

Mbaetɨ kia ɨma oiko güiño yarakuaa, ani indechi güiño oikuaa jupi vae.

PROVERBIOS 18:11

Oikokatu vae imbaeyekou, tëta guasu jëguambae rami ko chupe; metei tëta guasu ikësea ɨvate yae vae rami ko chupe.

PROVERBIOS 18:17

Jupiecha, jae räri voi oñeapo vae; ërei ou jovaicho yave, oñeväe apu pe.

PROVERBIOS 19:1

Ikaviño ko paravete reve jupi rupi oiko vae, ipɨapochɨ jare indaye pota yae vae güi.

PROVERBIOS 23:4

Agüɨye eyemoambeko reyemboikokatu vaerä; ndearakuaa ndeyeupe, agüɨye eipota.

PROVERBIOS 26:12

Yarakuaambae re yayeko vae jaekaviño, jókuae kuimbae yarakuaa yae omae iyé aeño vae güi.

PROVERBIOS 26:16

Iyakɨ vae, yarakuaa katu yae ko omae iyé, jeta kuimbae reta oporomboarakuaa vae güi.

PROVERBIOS 26:5

Ërei emoë neñee yarakuaambae pe jae jeko rupi rami, agüɨye vaerä yarakuaa katu omae iyé.

PROVERBIOS 3:7

Agüɨye ndearakuaa katu emae ndeyé aeño; eipoɨu yandeYa güi jare esɨrɨ ikavimbae güi.

ISAÍAS 5:21

¡Peparavete!, pe reta peyererovia pearakuaa katu ko vae, peyeupe oime penoi arakuaa katu.

Romanos 11:25

Cherɨvɨ reta, aipota peikuaa yaikuaambae vae regua, agüɨye vaerä peyemboete peyé. Jae ko kuae: Amogüe Israel pegua reta ipɨatäta vae, jaeño oikota judiombae vae reta opaete oporogüɨroviata vae oporogüɨrovia regua;

Romanos 12:16

Metei ramiño peiko oyoupii. Agüɨye peyembotuicha, jaeño peyea iparavete vae reta ndive. Agüɨye pearakuaa yae pemae peyé.

1 Timoteo 6:17

Añave rupi oikokatu vae reta eyókuai, agüɨye toyembotuicha, agüɨye toyeko imbaeyekou reta re, jókuae ɨmambae opata vae re. Ërei toyeko Tumpa oikove vae re, jae omee yandeve opaete mbaembae yayerovia vaerä vae.