PROVERBIOS 28:1 - Biblia Guarani Tumpa Iñee

¹ Iyoa vae otekuarai mbaetɨ tëi reve kia oaɨkuemoña, ërei jupi vae oiko okɨɨyembae reve yaguapope rami.

PROVERBIOS 28:1 ပူးပေါင်းရင်းမြစ်များ

1 REYES 1:49

Jayave Adonías oparea chupe vae reta, omboɨpɨ okɨɨye yae reta jare opüa opa yogüɨraja jëta jëta ae kotɨ.

2 REYES 7:15

Jare jae reta opa yogüɨraja, jare omomoe güɨraja Siriaɨgua reta jaɨkuere Jordán kotɨ yogüɨraja oväe regua; jare oecha reta opaete tape rupi jeta temimonde jare mbaembae opa omombo oeyagüe, jaɨai reta otekuarai jeko pegua. Javoi opa ye oyerova jókuae mburuvicha guasu omondo vae reta, jare imiari reta jókuae oechagüe re.

NEHEMÍAS 6:11

Ërei che jae chupe: “¿Kuimbae che rami vae otekuaraita pa? ani, ¿kia che rami vae oiketa pa tupao guasu pe güɨroasayepe vaerä jekove? Ngaraa aike tupao guasu pe.”

JOB 15:21

Oendu jɨapu rami, okɨɨye yae chugüi vae, jaekavi yaecha ma oï yave, imonda vae reta opüa jese.

SALMOS 112:7

Ngaraa okɨɨye mbae ikavimbae reta jërakua vae güi. Ipɨakatu oï, oyeko yandeYa reño.

SALMOS 53:5

Joko pe oime kɨɨye yavaetegüe, yepe tëi mbaetɨ mbae jeko pegua okɨɨye vaerä. Echa Tumpa opa omoai perovaicho reta ikägüe, ñemomarai pe opɨtata, echa Tumpa güɨröɨro reta.

SALMOS 53:6

¡Mbae mona ɨvɨtɨ Sión güi ou yemborɨ Israel pe! Tumpa güeru ye yave imbae vae reta, ovɨakatu yaeta Jacob, oyerovia yaeta Israel.

ÉXODO 11:8

Jare yogüeruta opaete ndemborɨa reta cheróvai, jare oyetavatɨkata cheróvai jei reve: “Ekua, jare eraja opaete kuae tëta oï ndepo igüɨ pe vae.” Kuae jaɨkue rupi ramo aëta. Jare Moisés iyarasɨ yae oë ojo Faraón jóvai güi.

PROVERBIOS 10:9

Jupi rupi kavi oiko vae, oiko pɨagüive oiko, ërei jupimbae oiko vae, oiporarata ko.

PROVERBIOS 27:27

ndekavara reta ineche jeta vae re reikota, jare ndero pegua reta jembiurä jare opaete nderembiokuai reta jembiurä.

ISAÍAS 30:17

Metei tovaicho güi, petekuaraita mil pe reta, pandepo vae güi, opaeteita petekuarai, ɨvɨra jaeño oï ɨvɨtɨ guasu re rami, ani metei bandera oï ɨvɨtɨ re rami.

ISAÍAS 7:2

Jare omombeu reta Acaz, David iñemuña pe körai: “Siriaɨgua reta oñemoïru Efraín pegua reta ndive.” Jayave mburuvicha guasu jare opaete vae orɨrɨi ipɨa okɨɨye güi, kaa pe ɨvɨra reta okana ɨvɨtu yave rami.

JEREMÍAS 20:4

Echa yandeYa jei körai: ‘Ropoepɨta kɨɨye rupi reiko vaerä jare opaete ndevɨa-ïru reta okɨɨyeta ndegüi; nderovake ndevɨa-ïru reta opata omano tovaicho reta ipo pe. Ameeta opaete Judá pegua reta mburuvicha guasu Babilonia pegua ipo pe, jae güɨrajata iɨvɨ güi ani oyukata kɨsepuku pe.

LEVÍTICO 26:17

Ayemboyovaichota pekotɨ, jare peñemoamɨriukata perovaicho reta pe; pemotareɨ vae reta güɨnoita mbaepuere peré, jare petekuaraita yepe tëi mbaetɨ kia peraɨkuemoña reve.

LEVÍTICO 26:36

Jare pegüi oimeño oikove vae, perovaicho reta iɨvɨ pe, añonota ipɨa pe kɨɨye rai, metei ñana-roo oa yave ave okɨɨyeta, kɨsepuku pe kia omoña vae rami otekuaraita, oyepɨakata mbaetɨ kia omoña reve;

Hechos 14:3

Jáeramo Pablo jare Bernabé opɨta joko pe ɨma pegua, jare imiari ïru vae reta pe okɨɨyembae reve, oyeko reve yandeYa re. Jare yandeYa oechauka añete ko iñee mbɨakavi regua mɨakañɨ Pablo jare Bernabé oyapo vae reta rupi.

Hechos 4:13

Jayave oecha reta yave kërai Pedro jare Juan okɨɨyembae reve imiari, jare oikuaa reta mbaetɨ ko oyemboe vae. Ipɨakañɨ yae jese reta, jare oikuaa reta Jesús jemimboe ko vae.

DEUTERONOMIO 28:25

YandeYa pemoamɨriukata perovaicho reta pe; metei tape rupi peporepeñata nderovaicho reta re, ërei opata peñemoai moai petekuarai chugüi reta; peñemoaita jare peikoasɨ katuta opaete tëta ñavo rupi.

DEUTERONOMIO 28:7

YandeYa omoamɨrita perovaicho reta yogüeru oporepeña peré vae reta; metei tape rupi yogüeru retata peve, ërei opata oñemoai moai otekuarai pegüi.

1 Tesalonicenses 2:2

Yepe tëi roiporara yae Filipos pe, pe reta peikuaa rokɨɨyembae reve Tumpa re romombeu peve Tumpa ñee ikavi vae, yemboavai jeta yae tëi reve.