PROVERBIOS 27:18 - Biblia Guarani Tumpa Iñee

¹⁸ Iɨvarupa re oyangareko vae, jouta iagüe; jare iya imbaembae re oyangareko kavi vae, oyereroviaukata iya pe.

PROVERBIOS 27:18 ပူးပေါင်းရင်းမြစ်များ

2 REYES 18:31

Agüɨye perovia Ezequías. Echa mburuvicha guasu Asiria pegua jei: “Peyapo che ndive mbɨakatu jare peë cherövaiti, jökorai yave metei ñavo pepuereta peu peuva, peɨva jare ɨ peuta peɨrɨru güi aeño,

2 REYES 3:11

Ërei Josafat jei: —¿Mbaetɨ pa kuae pe Tumpa iñeemombeúa, yaparandu vaerä yandeYa pe jókuae ñeemombeúa rupi? Metei sundaro ruvicha, Israel pegua mburuvicha guasu iyɨvɨrigua jei: —Kuae pe oime oiko Eliseo, Safat taɨ, Elías jemimboe.

2 REYES 5:25

Javoi ojo oñeñono iya jóvai, jare Eliseo oparandu chupe: —¿Ketɨ güi pa reyu, Giezi? Giezi jei: —Mbaetɨ ketɨ aja.

2 REYES 5:27

Kuae jeko pegua Naamán ipire mbaerasɨ ókui vae ovata nderé jare neñemuña reta re jekuae avei pegua. Jare Giezi osɨrɨ Eliseo güi yave ipire ókui imbaerasɨ, morotï oyekuaa iroɨ rami.

ESTER 6:11

Jayave Amán oipɨɨ temimonde omondeuka Mardoqueo pe, jare ombopo kavayu re güɨroata tëta guasu joka guasu rupi jare osapúkai jenonde: “¡Körai ko oyeapo kuimbae, mburuvicha guasu ikɨ̈reɨ omboeteuka vae!”

SALMOS 123:2

Mase, ko romae ndekotɨ oreYa Tumpa, tembiokuai omae iya rei rami, ani tembiokuai kuña omae iya kuña rei rami, jökorai roäro, nde oreparareko vaerä.

ÉXODO 24:13

Moisés opüa ojo jembiokuai Josué ndive. Jare Moisés oyeupi Tumpa iɨvɨtɨ re.

PROVERBIOS 17:2

Tembiokuai oyeandu katu reve oiko vae ipuere oyemboeteuka, tu omboetembae güi, ipuere vi güɨnoi mbaeyekou oporomboetembae tɨvɨ reta ndive.

PROVERBIOS 22:29

Iparavɨkɨ oyapo kavi vae, oyeokuaita mburuvicha guasu pe, mbaetɨta oparavɨkɨ oipotagüe pe.

PROVERBIOS 27:17

Tembiporu jiero pegua oyeimbee japicha jiero pe, jökorai kuimbae, oñono kavi ivɨa-ïru.

PROVERBIOS 27:19

Ɨ pe yanderova oyekuaa rami, jökorai vi kuimbae reta omae iyé, ïru kuimbae reta pe jeko rupi.

CANTARES 8:12

¡Cheuvarupa chembae ko, che aeño ayangareko vaerä jese! Jókuae mil reare korepoti pegua vae, toï ndembaeräño Salomón, jare dosciento, omaangareko vae reta peguarä.

ISAÍAS 36:16

Agüɨye perovia Ezequías re. Mburuvicha guasu Asiria pegua chembou peyapo vaerä jae ndive mbɨakatu, peñemaeño, jayaveño pepuereta peu pɨagüive peuva ia, peɨva ia jare peu peɨ ae ae peɨrɨru güi.

San Mateo 24:25

Mase, amombeu kavi voi ma ko aï peve kuae, ndei oyeapo mbove.

San Mateo 24:46

Oyerovia ko jókuae tembiokuai, iya ou ye oväe yave, oparavɨkɨ oï vae.

San Marcos 10:43

Ërei pe reta ndive mbaetɨta jökorai. Oime yave kia pepɨte pe oï vae oipota tuichagüe oiko vae, toyeokuai ïru reta pe.

San Lucas 12:37

Oyerovia ko jókuae tembiokuai reta, iya ou ye oväe yave, okeä ñogüɨnoi vae. Añete che jae peve, iya omboguapɨ retata mesa pe, jare jae etei omongaruta jókuae jembiokuai reta.

San Lucas 12:42

Jayave yandeYa jei: “Metei tembiokuai omaangareko vae jeko kavi vae jare oyeandu katu reve vae pe iya oeya ipo pe, omee vaerä ïru tembiokuai reta pe jembiurä iora pe kavi.

San Lucas 19:17

Jayave iya jei jókuae jembiokuai pe: ‘Cherembiokuai ikavi vae. Ikavi yae ko reyapogüe. Reyeokuai kavi cheve kuae mbovɨ vae re ramo, reporookuaita payandepo tëta guasu re.’

San Juan 12:26

Oyeokuai cheve vae tojo cherupíe. Cherembiokuai oïta che aïtaa pe. Jare cheRu ombotuichaukata oyeokuai cheve vae.

Hechos 10:7

Araɨgua imiari jae ndive vae ojo ma yave, Cornelio oenɨi mókoi jembiokuai reta jare metei sundaro jupi jare güɨrovia katu vae;

1 Corintios 3:8

Omaetɨ vae jare omboɨu vae oyovakeño ko. Yepe tëi Tumpa omboekoviata metei ñavo pe iparavɨkɨ oï rupi.

1 Corintios 9:13

¿Mbaetɨ pa peikuaa tupao pe oparavɨkɨ vae reta jou ko tembíu tupao pegua? Echa mɨmba oyeyukagüe oyeapɨ jesea pe oparavɨkɨ vae reta jou ko jókuae mɨmba oyeyukagüe isoo.

1 Corintios 9:7

¿Ojo pa sundaro oñeraroa pe, oyemboepɨmbae reve chupe? ¿Oime pa kia uva oñotɨ vae mbaetɨ jou iagüe?, ani ¿oime pa kia vecha re oyangareko vae mbaetɨ jou ineche?

Colosenses 3:22

Tembiokuai reta, peñeereendu katu peya reta ɨvɨ pegua pe. Agüɨye peyeokuai omae oï peré yaveño, jókuae ikɨ̈reɨ omboyerovia vaerä vae reta rami. Jaeño pepɨa-kɨ̈reɨ ngatu reve, jare peipoɨu reve Tumpa güi.

2 Timoteo 2:6

Oparavɨkɨ vae mbaetɨ oparavɨkɨ yave, ngaraa mbae oarɨvo.

1 Pedro 2:18

Tembiokuai reta, peiko peya jeia re pemboete reve; agüɨye peya reta ipɨakavi jare ipɨaguasu vae reta peño, ipɨa pochɨ vae reta pe vi.

1 Pedro 2:21

Echa kuaerä Tumpa peparavo. Echa Cristo oiporara yanderé; oeya yandeve yayapo vaerä jae oyapo rami;

1 SAMUEL 2:30

Jáeramo, Israel iTumpa jei tëi tenonde yave neñemuñagüe reta pe, ndeve jare neñemuña reta oyeokuai vaerä chupe jekuae avei, ërei añave jei: ‘Ngaraa ma ayapo jökorai, amboeteukata chemboete vae reta, ërei chereröɨro vae reta aröɨrota vi.