PROVERBIOS 27:10 - Biblia Guarani Tumpa Iñee

¹⁰ Agüɨye eyembosɨrɨ ndevɨa-ïru güi, ani nderu ivɨa-ïru güi ave. Agüɨye ekua ndepɨatɨtɨ reï yave, nderɨkeɨ ani nderɨvɨ jëta pe. Ñanerëta-ɨpɨ pegua jaekavi ko, ñanerëtara ete mombɨrɨ oiko vae güi.

PROVERBIOS 27:10 ပူးပေါင်းရင်းမြစ်များ

2 SAMUEL 19:24

Mefi-boset, Saúl jɨmɨmino ou vi oövaiti mburuvicha guasu. Mbaetɨ yepe oyoe ipɨ, mbaetɨ oñapi jendɨvaa jare mbaetɨ oputuka jemimonde mburuvicha guasu oë güive, ou ye regua mbɨakatu ndive.

2 SAMUEL 19:28

Echa yepe tëi opaete cheru jo pegua reta jupi omano vaerä, ërei jeseve nde reparea cheve akaru vaerä ndeɨpɨ pe. ¿Mbae ye pa chepuere aeka ndeve?

2 SAMUEL 21:7

Mburuvicha guasu iñɨ̈ro Mefi-boset, Jonatán taɨ pe, jae ko Saúl jɨmɨmino. Jókuae ñererökuavee päve yandeYa jee re David jare Jonatán oyapo reta oyoupe vae.

2 CRÓNICAS 24:22

Jökorai mburuvicha guasu Joás mbaetɨ imaendúa Joiada, Zacarías tu iporoparareko ikotɨ vae re, jare oyuka taɨ Zacarías. Jare omanota ma yave jei: “¡YandeYa toecha kuae jare tojäa!”

PROVERBIOS 17:17

Vɨa-ïru, oporoaɨu avei ko; tëtara ete rami ko, oime yave mbɨatɨtɨ.

PROVERBIOS 18:24

Kuimbae oime ivɨa-ïru reta yave, tijeko kavi jae reta ndive; oime vɨa-ïru iporoaɨu yae tëtara ete güi vae.

PROVERBIOS 19:7

Paravete vae, jëtara ete ave omotareɨ yae, ¡vɨtei pa ivɨa-ïru reta, opa tai ko oyembosɨrɨ chugüi! Oeka tëi kia ndive imiari vaerä yave, mbaetɨ oväe.

JEREMÍAS 2:5

YandeYa jei körai: “¿Mbae ikavimbae pa oväe cheré peñemuñagüe reta, chereeya reta vaerä? Omboete reta tumpa-raanga reta, jókuae rupi jae reta etei oyembosiriveä.

Hechos 23:12

Jayave pɨareve pe amogüe judío reta oyomboemboe, jare oyepopeyu reve iyé jei mbaetɨta okaru jare mbaetɨta jou ɨ ave, oyuka regua Pablo.

DEUTERONOMIO 22:1

Peväe yave perapicha igüeye ani ivecha okañɨgüe, agüɨye peikuaku chugüi, peraja ye perapicha pe.