PROVERBIOS 26:4 - Biblia Guarani Tumpa Iñee

⁴ Agüɨye etei yarakuaambae pe emoë neñee jae jei rami, agüɨye vaerä nde vi reiko jae rami.

PROVERBIOS 26:4 ပူးပေါင်းရင်းမြစ်များ

1 REYES 12:14

jare imiari chupe reta, taɨrusu vae reta omboarakuaa rami, jei reve: Cheru ombojeiete yae ko peve iporookuai, ërei che jeieteta amoïru peve mborookuai. Cheru oiporarauka peve tɨmasa pe, ërei che aiporaraukata peve mbae jasɨ yae ete vae pe.

1 REYES 12:16

Jare opaete tëta pegua reta oecha mburuvicha guasu mbaetɨ oendu chupe reta yave, jei reta chupe kuae ñee: “¡Mbaetɨ etei ko mbae rogüɨnoi David re! ¡Mbaetɨ etei ko rogüɨnoi mbae ave Isaí taɨ re! ¡Israel iñemuña reta, pekua pero ae ae kotɨ! ¡David iñemuña reta, toyangareko iyé aeño!” Jayave Israel iñemuña reta ñavo yogüɨraja jo ae ae kotɨ.

PROVERBIOS 17:14

Oporomoñorarouka vae, ɨ̈aka güi ɨ oyepɨyere rami ko; ndei ñañererokomegua pɨpe mbove, yayembosɨrɨ chugüi.

PROVERBIOS 23:9

Agüɨye emboarakuaa yarakuaambae, echa güɨröɨrota ko ndeyemongeta kavi reta.

PROVERBIOS 26:5

Ërei emoë neñee yarakuaambae pe jae jeko rupi rami, agüɨye vaerä yarakuaa katu omae iyé.

PROVERBIOS 29:9

Yarakuaa vae, oyoaka yarakuaambae ndive yave, yepe tëi iyarasɨ ani opuka, ngaraa oñono kavi teko.

ISAÍAS 36:21

Ërei jae reta kïrii ngatu opɨta, mbaetɨ etei iñee omoë reta chupe, echa mburuvicha guasu yepe jei chupe reta, agüɨye etei vaerä mbae ave yepe jei reta.

San Mateo 7:6

Agüɨye pemee oñeñono tee Tumpa peguarä vae yaɨmba reta pe. Jaeramiño vi agüɨye peñono ita ipöra vae reta kuchi reta ñogüɨnoia rupi. Echa opɨ̈rota ko jese reta jare güɨramoi oyerovata pesuu vaerä.

1 Pedro 3:9

ikavimbae oyapo peve vae pe agüɨye pemboekovia ikavimbae pe, agüɨye peyepopeyu oyepopeyu peré vae re, ërei peñee kavi, echa peikuaa ko peyeparavo penoi vaerä mborerekua.

Judas 1:9

Ërei araɨgua tenondegua Miguel etei oñoraro yave aña guasu ndive oyoaka reve Moisés jetegüe re, oipoɨu omboeko vaerä aña guasu. Jaeño jei chupe: “YandeYa toñeengata ndeve.”