PROVERBIOS 26:24 - Biblia Guarani Tumpa Iñee

²⁴ Ipɨa pe oporomotareɨ vae, mbaetɨ omboyekuaa imiari yave, ërei ipɨa pe oyemongeta ikavimbae.

PROVERBIOS 26:24 ပူးပေါင်းရင်းမြစ်များ

GÉNESIS 34:13

Jare Jacob taɨ reta jei Siquem pe jare tu Hamor pe ombotavɨ reve, echa Siquem oyuvanga ko Dina re.

2 SAMUEL 13:26

Jayave Absalón jei: —Mbaetɨta jökorai yave, emaeño tojo orerupíe cherɨkeɨ Amnón. Jayave mburuvicha guasu jei: —¿Maera pa reipota ojo nderupíe nderɨkeɨ Amnón?

2 SAMUEL 13:27

Ërei Absalón jeta omoñera ramo, David omaeño ojo vaerä jupíe Amnón jare opaete ïru tɨvɨ reta.

2 SAMUEL 20:9

Jayave Joab jei Amasa pe: —¿Kërai pa reï cherëtara? Joab oipɨɨ Amasa jendɨvaa pe, oovapɨte vaerä.

NEHEMÍAS 6:2

Sanbalat jare Gesem omondo chereenɨiuka, royemboatɨ vaerä tëta guasu Ono jee vae iyɨvɨrigua metei tëta raɨ pe, ɨvɨtɨ päu ipe kavi vae pe oï vae pe. Ërei jae reta yepe oyemongeta oyapo vaerä ikavimbae cheve.

SALMOS 12:3

YandeYa omokañɨteita opaete iñee-yukɨ imiari vae reta, oyembotuicha reve imiari vae,

SALMOS 28:3

Agüɨye chereraja jeko pɨ̈chɨi vae reta ndive, jupimbae vae reta ndive, jae reta imiari mbɨakatu re japicha pe, ërei ipɨa reta pe oï ikavimbae.

SALMOS 41:6

Jare yogüeru omae reta cheré yave, chemomiari reta añete rami; ërei ipɨa pe oñovatu ikavimbae, jare ikatu rupi oë yave omoërakua reta.

PROVERBIOS 10:18

Oporoaɨu raanga vae iyapu vae ko, Ndaye omoërakua vae mbaetɨ ko yarakuaa.

PROVERBIOS 11:1

YandeYa güɨröɨro yae ko omaemee yave oata ojäa omee vae; ërei omboyerovia yae jupi rupi kavi mbae ojäa omee vae.

PROVERBIOS 12:17

Añetegüe imiari vae, omoërakua jupigüe; ërei añetembae imiari vae, omoërakua apu.

PROVERBIOS 12:20

Iyemongeta kavimbae reta ipɨa pe, oime mborombotavɨ; ërei iyemongeta kavi vae reta ipɨa pe, oime yerovia katu.

PROVERBIOS 12:5

Jupi vae reta iyemongeta sɨmbi ko, ërei iyoa vae reta iporomboarakuaa, yembotavɨ ko.

PROVERBIOS 14:8

Kuimbae yarakuaa vae, iyarakuaa rupi oikuaa jeko, ërei ipokimbae reta, oyembotavɨ iyarakuaambae rupi aeño.

PROVERBIOS 23:7

echa iyuru peño ko: “Ekaru jare jeu vino”, jei ndeve, ërei mbaetɨ ko ipɨa katu nderé;

JEREMÍAS 9:4

Ivɨa-ïru ndive ave mbaetɨ oyogüɨrovia katu; oñoëtara vae ndive ave mbaetɨ oyogüɨrovia katu, echa oñoëtara vae reta oyombotavɨ, jare oyoangao reta ivɨa-ïru ndive.

1 SAMUEL 18:17

Metei ara Saúl jei David pe: —Mase, tamee nderembirekorä cherayɨ tenondegua Merab jee vae, ërei reikota cheve ñeraro regua jëia vae yandeYa jee re. Saúl oyemongeta mbaetɨta jae etei oyuka, ërei oyemongeta filisteo reta ipo pe omano vaerä.