PROVERBIOS 26:21 - Biblia Guarani Tumpa Iñee

²¹ Tatasɨgüe oï jendɨ vaerä, yepea oï tata oyeapo vaerä, jare kuimbae iyarasɨ rai vae, ñeraro oyapo vaerä.

PROVERBIOS 26:21 ပူးပေါင်းရင်းမြစ်များ

2 SAMUEL 20:1

Jare oï joko pe metei kuimbae ipɨapochɨ yae vae, jee Seba, Bicri taɨ, Benjamín iñemuña pegua. Jae omoñeeuka mimbɨguasu jare jei: “¡Yande mbaetɨ ko ñanoi yekou David, Isaí taɨ re! ¡Pekua pero ae ae kotɨ, Israel pegua reta!”

1 REYES 12:20

Jare opaete Israel iñemuña reta oikuaa Jeroboam ou ye ma yave, omondo reta oenɨiuka ipɨte pe, jare oñono mburuvicha guasurä opaete Israel iñemuña reta re, opɨtambae reve metei ave ñemuña David iñemuña reta ndive, jaeño Judá iñemuña reta.

SALMOS 120:4

¡Jëia yae vae juvɨ jakuaroviasɨ vae ko oäro! Jare, ¡Urundeɨ jätapɨi ikavi yae vae!

PROVERBIOS 10:12

Ñomotareɨ güeru yoaka reta, ërei mboroaɨu iñɨ̈ro opaete mbaeyavɨ reta pe.

PROVERBIOS 15:18

Kuimbae iyarasɨ katu vae, oporomoñoraro katu; ërei mbaetɨ iyarasɨ raivi vae, omoröɨsa arasɨ.

PROVERBIOS 29:22

Iyarasɨ rai vae, oporomoñerarouka katu ko, iyarasɨ katu vae, oa katu mbaeyoa pe.

PROVERBIOS 30:33

Neche oipɨguara vae, güɨnoeta guara, täta ete oyeambɨvo vae, ombojugüɨta itï, japicha omboarasɨuka vae, oporomoñeraroukata.