PROVERBIOS 25:25 - Biblia Guarani Tumpa Iñee

²⁵ Ɨ iröɨsa kavi vae, ikavi yae iɨuve yae vae pe rami ko, mombɨrɨ güi mbae jërakua kavi vae.

PROVERBIOS 25:25 ပူးပေါင်းရင်းမြစ်များ

GÉNESIS 45:27

Jare jae reta omombeu opaete José jeigüe jare Jacob oecha José ombou käretou chupe güɨraja vaerä vae yave, ipɨa yerovia ye.

2 SAMUEL 23:15

David jei körai: “¡Kia mona omee jau ɨ ɨkua Belén jöke pe oï vae pegua!”

SALMOS 63:1

¡CheRu Tumpa, nde ko jae cheTumpa! Ndei köe mbove roekata, echa cheɨuve yae rami nderé, cherete etei ndereeka, ɨvɨ otini jare ɨ mbaetɨa pe rami.

ÉXODO 17:6

Che aïta nderóvai ɨ̈vavira re, ɨvɨtɨ Horeb re; jare eiporu ɨ̈vavira re, jare oëta ɨ chugüi, jare opaete vae reta oɨuta. Jare Moisés jökorai oyapo, Israel iñemuña itenondegua reta jovake,

PROVERBIOS 15:30

Okuera katu vae, yandemboyerovia; mbae jërakua kavi vae, ñanemoäta ngatu.

PROVERBIOS 25:26

Ɨ juúmbai jare ɨ jesaɨ oikomegua rami, jökorai ko jupi vae oa yave jupimbae reta ipo pe.

ISAÍAS 52:7

¡Ipöra yae ko ɨvɨtɨ reta re oyekuaa ou, ñee ikavigüe yerovia pegua omoërakua vae, mbɨakatu omoërakua vae, mbae ipɨau ikavigüe omoërakua vae, yereroasayepe omoërakua vae, Sión pe jei vae: “NeTumpa oï mburuvicha guasurä”!

ISAÍAS 55:1

Opaete iɨuve vae reta: Peyu peɨu; jare mbaetɨ ikorepoti vae reta, peyu jare pekaru. Peyu, peraja pekorepotimbae reve jare jepɨmbae reve, vino jare neche.

JEREMÍAS 18:14

¿Ɨvɨtɨ Líbano re iroɨ morotï vae, okañɨ ra amo pe? ¿Tɨpata ra ɨ iröɨsa kavi vae, ɨvɨtɨ kotɨ güi ogüeyɨ vae?

NAHUM 1:15

¡Pemae! ¡Joko ma ou ɨvɨtɨ guasu reta iárambo ñee ikavi vae jerúa, mbɨakatu omoërakua vae! Judá, eyapo ndearete reta: Embopo reñererökuavee vae reta. Echa ngaraa ye ma oporepeña nderé jeko pɨ̈chɨi vae reta; opaetei ma oyemboai.

San Juan 7:37

Jókuae ara ma arete opata yave, arete tuichagüe jare ikavi yae vae pe, Jesús oyemboɨ jare iñeeäta reve jei: —Oime yave kia iɨuve vae, tou chekotɨ jare toɨu.

Romanos 10:15

Jare ¿këraita pa kia omombeu chupe, mbaetɨ yave kia oyemondo? Echa oyekuatía oï körai: “Ipöra yae ko yogüeru oväe ñee mbɨakatu pegua omombeu vae reta. Ñee ikavi vae omoërakua vae reta.”

1 Timoteo 1:15

Kuae ko jae ñee añete vae jare jupi ko opaete vae güɨrovia vaerä: Kërai Cristo Jesús ou kuae ɨvɨ pe omboasa vaerä iyoa vae reta, jare che ko jae iyoa vae reta güi iyoa yae ye vae.

JOSUÉ 22:33

Ikavi yae kuae yemongeta chupe reta jare omboete reta Tumpa. Jare jókuae güire mbaetɨ ye oyemongeta yogüɨraja vaerä oñeraro Rubén jare Gad iñemuña reta ndive, ani omboai vaerä iɨvɨ chugüi reta.

Apocalipsis 21:6

Jare jei vi cheve: “Oyeapo ma. Che ko jae Alfa jare Omega, iyɨpɨ ete jare iyapɨ ete. Kia iɨuve vae, che ameeiñota jepɨmbae jou ɨesaɨ tekove pegua güi.”

Apocalipsis 22:17

Espíritu Santo jare Vecha kuimbae taɨrusu vae imenda ïru jei: “¡Eyu!” Jare oendu vae, tei: “¡Eyu!” Jare iɨuve vae tou toɨu; ikɨ̈reɨ vae tou ɨ tekove pegua güi jepɨmbae.