PROVERBIOS 25:18 - Biblia Guarani Tumpa Iñee

¹⁸ Martillo, kɨse jare uvɨ jakuaroviasɨ vae, ¡jökorai ko apu reve omboeko japicha vae!

PROVERBIOS 25:18 ပူးပေါင်းရင်းမြစ်များ

SALMOS 140:3

Oimbee reta ikü mboi rami; jare mboi imbayachi oime iyuru pe.

SALMOS 52:2

Ikavimbae reño reyemongeta; nekü kɨse jaimbe yae vae rami.

SALMOS 55:21

Ñee oë iyuru güi vae, neche kɨra ipɨuasɨ kavi rami, ërei ngatu ipɨa pe oï ñeraro. Iñee kaviasɨ, asaite iïchɨi kavi rami, ërei ngatu jae ko kɨse oyeimbee kavi vae rami.

SALMOS 57:4

Cherekove oï yaguapope reta ipɨte pe rami, ayepɨso aï oporou vae reta ipɨte pe; jäi reta mii rami jare uvɨ rami, ikü, kɨsepuku oyeimbeegüe rami.

ÉXODO 20:16

Agüɨye pemiari añetembae perapicha kotɨ.

PROVERBIOS 12:18

Oime amogüe, oporoapicha iñee rupi, ërei yarakuaa vae reta iñee, moa rami ko.

PROVERBIOS 24:28

Agüɨye emboekoiño nderapicha jekombae reve, ñeapoa pe, agüɨye mbae jupimbae ave ere ikotɨ.

PROVERBIOS 25:17

Agüɨye eapeko nerëta-ɨpɨ pegua reta, agüɨye vaerä rembogüérai yave nemotareɨ.

JEREMÍAS 9:3

Oïndaivi iyapu reta vaerä, uvɨ oñemoïndaivi oñejäa vaerä vae rami. Kuae ɨvɨ pe jeiete apu, mbaetɨ añetete vae; jeiete yae ikavimbae vae oyapo reta; yandeYa jei: “Mbaetɨ oipota oikuaa reta cheregua.”

JEREMÍAS 9:8

Uvɨ jakuarovi rami ko iñee reta; apuño imiari reta; imiari kavi reta iñeïru ndive mbɨakatu re, ërei ipɨa pe oporopïaro reta.

Santiago 3:6

Ñanekü metei tata rami ko. Tɨnɨe ikavimbae pe. Ñanekü oï yanderete pe, ërei omongɨa opaete yanderete; tata ogüembae rami ko yaikove yaiko ramboeve. Jare kuae ikavimbae vae ou ko kañɨtei güi etei.