PROVERBIOS 24:7 - Biblia Guarani Tumpa Iñee

⁷ Yarakuaambae pe tuicha yae ko arakuaa, morojäa renda pe ngaraa oväe iñeerä.

PROVERBIOS 24:7 ပူးပေါင်းရင်းမြစ်များ

JOB 31:21

Mbaetɨ amomburu tɨ̈reɨ, aecha tëi mburuvicha oporojäa vae reta ipuere chemborɨ.

JOB 5:4

Taɨ reta mbaetɨ kia omborɨ; mburuvicha reta mbaetɨ omae kavi jese reta, jare mbaetɨ kia oepɨ reta vaerä.

SALMOS 10:5

Oyapogüe oë kavi avei chupe. Neporojäa reta güi oñemoakañɨ etei ko; omotareɨ opaete jovaicho reta.

SALMOS 127:5

¡Oyerovia ko kuimbae jökorai michia reta güɨnoi vae! Ngaraa oñemomaraiuka imiari jovaicho reta ndive yave öke pe.

PROVERBIOS 14:6

Oporoyóyai yóyai vae, oeka arakuaa katu, ërei mbaetɨ ipuere oväe; ërei yarakuaa katu vae pe, mbaetɨ etei yavai.

PROVERBIOS 15:24

Yarakuaa vae pe, tape tekove pegua ojo ɨvate kotɨ, jökorai opia agüɨye vaerä ojo ɨ́vɨkotɨ, omanogüe reta ñogüɨnoia pe.

PROVERBIOS 17:16

¿Mbaerä pa yarakuaambae oguata arakuaa, mbaetɨ etei reve iyarakuaa?

PROVERBIOS 17:24

Iyarakuaa katu vae re, oyekuaa arakuaa, ërei yarakuaambae, oipotagüe rupiño oyemongeta.

PROVERBIOS 17:7

Yarakuaambae, mbaetɨ ipoki imiari jupi rupi kavi, jökoraiño vi mburuvicha, mbaetɨ ikavi iyapu vaerä.

PROVERBIOS 22:22

Agüɨye mbae eñomi paravete vae güi paravete güiño, agüɨye erekoasɨ katu mbɨatɨtɨ rupi oiko vae oporojäa vae reta jóvai,

PROVERBIOS 28:5

Kuimbae jeko kavimbae reta mbaetɨ etei oikuaa ikavi vae regua, ërei yandeYa reño oyeko vae reta oikuaa opaete mbaembae.

PROVERBIOS 31:23

Ime, jërakua kavi yae tëta guasu jöke pe, oguapɨ yave jókuae tëtaguasu pegua tenondegua reta ipɨte pe.

ISAÍAS 29:21

ambuae rei omboya reta iparapiti, jókuae ikɨ̈reɨ oyavɨuka oporojäa vae pe vae reta, jare oporombotavɨ reve oikuaku jupi vae kia jekombae güi vae.

ISAÍAS 32:6

Echa kuimbae jeko kavimbae, imiarita ko ikavimbae re, oyemongeta ipɨa pe, oyapo vaerä ikavimbae, ani jei ikavimbae vae yandeYa kotɨ; yɨmbɨaɨ vae güi opɨ̈ro jembíu, ani iɨuve vae güi opɨ̈ro ɨ.

AMÓS 5:10

¡Pe reta pemotareɨ öke pe oepɨ teko jupi vae, jare peröɨro sɨmbi rupi imiari vae!

AMÓS 5:12

Echa che aikuaa ko pepɨapochɨ yae vae, jare jeta peyoa reta vae; aikuaa ko peiporarauka jupi vae pe vae, jare peipɨɨ mbae oyemboepɨ vɨari vae, jare ñejäa renda pe paravete vae reta pemoamɨriuka.

AMÓS 5:15

¡Pemotareɨ ikavimbae! ¡Jare peaɨu ikavi vae! Ñejäa pe toime jupi vae; güɨramoi jayave yandeYa Tumpa Imbaepuere yae ete vae iñɨ̈rota José iñemuñagüe reta pe.

1 Corintios 2:14

Ërei oporogüɨroviambae mbaetɨ oikuaa mbaembae Tumpa iEspíritu regua, echa mbokere ko chupeguarä. Ipuereä oikuaa. Echa jaeño Espíritu Santo rupi ipuere oikuaa.