PROVERBIOS 24:28 - Biblia Guarani Tumpa Iñee

²⁸ Agüɨye emboekoiño nderapicha jekombae reve, ñeapoa pe, agüɨye mbae jupimbae ave ere ikotɨ.

PROVERBIOS 24:28 ပူးပေါင်းရင်းမြစ်များ

JOB 2:3

Jare yandeYa jei Satanás pe: —¿Remae pa cherembiokuai Job re? Kërai mbaetɨ yé ïru kuimbae kuae ɨvɨ pe jae rami vae, jupi jare jeko sɨmbi vae, oipoɨu chegüi vae jare oyeandu ikavimbae güi vae, yepe nde chemoñera tëi ayapo vaerä ikavimbae vae chupe jekombae reve, ërei jae jekuaeño ipɨ̈rata jeko kavi pe.

SALMOS 35:11

Opüa imiari reta añetembae vae, oparandu reta cheve mbaetɨ aikuaa vae re.

SALMOS 35:7

Echa jupimbae reve oñono reta ñuai cheve cheraperä pe; jupimbae reve oyoo reta ɨvɨkua cheraperä pe.

SALMOS 52:1

¿Maera pa reyembotuicha ndereko kavimbae re, nde imbaepuere yae vae? ¡Tumpa iporoaɨu opambae ko!

ÉXODO 20:16

Agüɨye pemiari añetembae perapicha kotɨ.

ÉXODO 23:1

Agüɨye pemoërakua ndaye, agüɨye peñemoïru iyoa vae ndive, pemiari vaerä teko añetembae re.

PROVERBIOS 14:5

Mbae oecha kavi etei vae, iyapuä imiari; ërei mbaetɨ oecha vae, iyapu imiari.

PROVERBIOS 19:5

Japicha re iyapu reve imiari vae, ngaraa opɨta oiporarambae; a pu omomora vae ngaraa oasayepe.

PROVERBIOS 19:9

Japicha re iyapu reve imiari vae, ngaraa opɨta oiporarambae; apu rupi imiari vae, omanota ko.

PROVERBIOS 21:28

Apu reve omboeko japicha vae, omanota, ërei iñeereendu katu vae, oiko aveita.

PROVERBIOS 25:18

Martillo, kɨse jare uvɨ jakuaroviasɨ vae, ¡jökorai ko apu reve omboeko japicha vae!

PROVERBIOS 26:19

jökorai ko kuimbae ombotavɨ ivɨa-ïru vae, javoi jei: “Añetete, yuvanga katu rupiño ko ayapo.”

LEVÍTICO 19:11

Agüɨye pemaeñomi, agüɨye peapu, agüɨye peporombotavɨ.

LEVÍTICO 6:2

“Kia nunga vae iyoa yave, oyapota tëi vae oyapoä yave, oyavɨ ko chekotɨ, japicha güi oikuaku yave mbae oyókuai oeya jese vae, ani mbae oeya ipo pe vae, ani mbae oñomi ani ndaye rupi mbae opɨ̈ro iyeupe japicha güi yave,

LEVÍTICO 6:3

ani mbae okañɨgüe oväe vae oikuaku yave, jare oyeepɨ yave añete rami Tumpa jee re oipotagüe mbae nunga rupi kuimbae reta iyoa vae,

San Mateo 27:23

Mburuvicha oparandu chupe reta: —¿Mbae ikavimbae vae pa oyapo? Ërei jae reta jeieteño osapúkai reve jei: —¡Eikutuuka kurusu re!

San Juan 15:25

Kuae oyapo reta oyembopo vaerä mborookuai pe oyekuatía oï vae. Echa oyekuatía oï körai: “Chemotareɨ reta cherekombae reve.”

Efesios 4:25

Jáeramo, peeya mo apu, metei ñavo pemiari perapicha pe añete vae. Echa opaete yande metei jeteño ko.

Colosenses 3:9

Agüɨye peapu oyoupe, echa peekɨ ma peyeugüi pereko indechigüe pɨ̈chɨi vae jare ikavimbae vae peyapose vae,

Apocalipsis 21:8

Ërei okɨɨye vae reta jare oporogüɨroviambae reta, jare mbae pɨ̈chɨi vae oyapo vae reta, jare oporoyuka vae reta, jare iyaguasa vae reta, jare imbaekuaa vae reta, itumpa-raanga pota vae reta jare opaete iyapu vae reta yogüɨrajata tata guasu azufre ndive jendɨ vae pe. Kuae ko jae mano mokoía.

Apocalipsis 22:15

Ërei ikatu pe opɨtata jeko kavimbae, imbaekuaa vae reta, iyaguasa vae reta, oporoyuka vae reta, itumpa-raanga pota vae reta, jare opaete oaɨu jare oyapo apu vae reta.