PROVERBIOS 24:12 - Biblia Guarani Tumpa Iñee

¹² Echa rere yave: “Mbaetɨ etei ko aikuaa kuae re”, teko reta ojäa vae oikuaata ko; oikuaa kavita ko omae oï nderé vae, omboekovia teko reta oï rupi vae.

PROVERBIOS 24:12 ပူးပေါင်းရင်းမြစ်များ

JOB 34:11

Echa jae omboepɨta kuimbae pe iparavɨkɨ rupi, metei ñavo jeko rupi kavi.

SALMOS 121:3

¡Ngaraa omaeño regüɨapi! ¡Ngaraai oke ndeangareko vae!

SALMOS 121:8

YandeYa ko neovatu opaete mbaembae güi, añave güive jekuae avei rupi.

SALMOS 17:3

Nde reikuaa cheyemongeta, pɨ̈tu yave nde remae cheré, cheñono morojäa pe ërei mbaetɨ reväe teko cheré, echa añono chepɨa pe agüɨye vaerä ayavɨ mbae jae.

SALMOS 44:21

¿mbaetɨta ra reikuaa kuae re? Echa nde reikuaa ko opaete mbae oñemi oï kuimbae ipɨa pe vae.

SALMOS 62:12

CheYa Tumpa mboroparareko ndembae ko, echa nde remboekoviata metei ñavo vae pe jembiapo oï rupi.

SALMOS 66:9

Echa jae ko omee yaikove vaerä; mbaetɨ omaeño yagüɨapi.

SALMOS 7:9

¡Topa mo añave jeko kavimbae reta jembiapo, ërei emomɨ̈rata, jupi yogüɨreko vae reta! Echa nde, Tumpa jupi vae ko, reikuaa yemongeta kia iyɨvɨte pe güɨnoi vae.

SALMOS 94:9

Apɨsa iyapoa ¿oendu potaä yera? Tesa iyapoa ¿oecha potaä yera?

PROVERBIOS 12:14

Kuimbae iñee ka vi vae, jókuae jekoviata chupe, omboresiveta jembiapo reta oï rupi.

PROVERBIOS 16:2

Kuimbae pe, ikaviecha opaete mbae oyapo vae, ërei yandeYa ko oikuaa, opaete mbae oyeapo vae.

PROVERBIOS 21:2

Kuimbae pe ikaviecha opaete mbae oyapo vae, ërei yandeYa ko oikuaa opaete mbae oyeapo vae.

PROVERBIOS 5:21

Echa Tumpa jesa róvai oiko kuimbae ara ñavo; jae omae oï opaete kuimbae jembiapo reta re.

PROVERBIOS 5:22

Iyoa vae oyepokoita jeko pe aeño; jare oñeapɨtiukata iyoa pe aeño.

ECLESIASTÉS 5:8

Metei tëtaguasu pe reecha yave paravete vae oyererekoasɨ katu jare jupigüe mbaetɨ oyeapo chupe yave, agüɨye nepɨakañɨ jese; echa metei mburuvicha re omae, ïru mburuvicha ma tuicha vae, jare ïru mburuvicha tuicha yae ete vae güɨnoi mbaepuere kuae mókoi reta re.

JEREMÍAS 17:10

Che, ndeYa, aikuaa kërai ko pepɨa vae, aikuaa opaete yemongeta reta, amboekovia vaerä metei ñavo vae pe jeko oï rupi, jare jembiapo reta oï rupi.”

JEREMÍAS 32:19

Tuicha yae yemongeta pe vae ko nde jare ndembaepuere yae mbae reyapo vaerä. Nde reecha opaete kuimbae oyapogüe, jare reiporarauka metei ñavo pe, jeko oï rupi jare jembiapo oï rupi.

LAMENTACIONES 3:36

mbaetɨ jupi vae oyeapo kuimbae pe vae; opaete kuaekuae Tumpa pe mbaetɨ etei ko jaekavi.

DANIEL 5:23

ërei cheYa ara pe oï vae kotɨ reyembopɨapochɨ, jare reruruka nderóvai vaso reta Tumpa jo pegua, nde jare ndeɨvɨrigua mburuvicha reta, nderembireko reta jare kuña rerekoiño vae reta ndive rekau pɨpe; jare kuae güire, remboete tumpa reta korepoti pegua, oro pegua, jiero iyu vae pegua, jiero pegua, ɨvɨra pegua jare ita pegua; jókuae omaembae reta, oendumbae reta, yarakuaambae reta; jare Tumpa jae ipo pe nderekove oï vae jare opaete reyapogüe reta jese oiko vae mbaetɨ remboete.

San Mateo 16:27

Echa che Kuimbaerä ayeapo vae ayu yeta cheRu iyemboetea reve jare iaraɨgua reta ndive. Jayave amboekoviata metei ñavo vae pe jembiapo oï rupi.

Hechos 17:28

Echa jese ko yaikove yaiko jare ñamɨi. Jare jökorai vi amogüe pepɨte pe ñeepöra iyapoa reta jei: ‘Tumpa iñemuña reta ko yande.’

Romanos 2:16

jókuae ara Jesucristo rupi Tumpa ojäa yave, opaete kuimbae reta jembiapo oyekuaambae vae, ñee ikavi vae che amombeu vae rupi.

Romanos 2:6

Jare jae amboekoviata metei ñavo vae pe jembiapo oï rupi:

1 Corintios 4:5

Jáeramo agüɨye peporojäa ndei iara mbove. Peäro yandeYa ou ye regua. Echa jae omboyekuaa kavita opaete mbaembae oñemi pɨtumimbi pe oï vae. Jare omboyekuaata opaete pɨa jemimbota. Jayave metei ñavo omboresiveta mbaemboete Tumpa güi.

2 Corintios 5:10

Echa opaete vae ñaï ñotai Cristo jóvai, jae ñanejäa vaerä. Metei vae ñavo omboresive vaerä oikove oiko ramboeve oyapo rupi. Ikavi vae jare ikavimbae vae oyapo rupi.

Apocalipsis 1:18

che ko jae oikoño mai vae. Amano, ërei, mase, añave aikove jekuaekuae avei rupi. ¡Amén! Jare che anoi mbaepuere mano jare omanogüe reta ñogüɨnoia re.

Apocalipsis 2:18

Eikuatía Tiatira pegua oporogüɨrovia vae reta iaraɨgua pe: Tumpa Taɨ, jesa tata jendɨ vae rami vae, jare ipɨ jiero iyu vae jembipe vae rami vae, jei kuae:

Apocalipsis 2:23

Jare ayukata jókuae kuña imembɨ reta, jare opaete oporogüɨrovia vae reta oikuaata kërai che aikuaa opaete vae iyemongeta jare ipɨa. Jare ameeta metei ñavo vae pe jembiapo oï rupi.

Apocalipsis 22:12

YandeYa jei: “¡Mase, ko ayu yeta ɨmambae! Jare aruta mbota amboekovia vaerä metei ñavo pe jembiapo oï rupi.

1 SAMUEL 16:7

Ërei yandeYa jei Samuel pe: “Agüɨye emae jova re, ani vi ipukugüe reño, echa che aröɨro ko; che mbaetɨ ko amae kuimbae omae vae re; echa kuimbae omae jesa róvai oï vae reño, ërei che ko amae ipɨa re.”

1 SAMUEL 2:3

Agüɨye kia timiari ipɨayemboete reve, agüɨye kia toyembotuicha yae iñee pe, echa Tumpa opaete mbae oikuaa vae jae ko yandeYa, jae ojäa opaete kuimbae jembiapo.

1 SAMUEL 2:6

YandeYa oekɨ tekove, jare jae omee tekove; jae oporomondo omanogüe reta ñogüɨnoia pe, jae oporogüɨnoe ye joko güi.

1 SAMUEL 25:29

Yepe tëi amogüe reta oyovaicho nderé jare oipota ndeyuka, ndeYa Tumpa ko oyangareko nderé, jae omombota nderovaicho reta, kia omombo ita tamamboka pe rami.