PROVERBIOS 23:21 - Biblia Guarani Tumpa Iñee

²¹ echa kau regua reta jare okaru kavi vae reta iparavete yaeta ko, jare iyakɨ vae reta oyemonde temimonde ipächagüe pe.

PROVERBIOS 23:21 ပူးပေါင်းရင်းမြစ်များ

PROVERBIOS 18:9

Ipokoseä iparavɨkɨ re vae, jae ko mbae omokañɨtei vae jëtara.

PROVERBIOS 19:15

Iyakɨ vae, jopeɨ yae, ipokosembae, oiporarata yɨmbɨaɨ.

PROVERBIOS 21:17

Kuimbae iarete pota vae, paraveteta, ikause jare oñemokäti avei vae, ngaraa oiko katu.

ECLESIASTÉS 10:18

Ipokosembae re oa jo jovapɨa, iyakɨ vae güi opaetei jo osururu.

JOEL 1:5

¡Osavaɨpogüe reta, pepa jare peyaeo! ¡Peräse peyaeo, opaete vino iua reta, peyaeo uva tɨgüegüe re, echa oñepïro pegüi!

San Mateo 11:19

Che Kuimbaerä ayeapo vae ayu, jare che akaru jare jau vino. Jare jei reta chekotɨ körai: ‘Mase, jae ikaru yae jare jou vino. Jae ko mburuvicha peguarä okovara vae reta jare ikavimbae iyapoa reta ivɨa-ïru.’ Ërei Tumpa iyarakuaa oyekuaa opaete oyeapogüe rupi.”

1 Corintios 5:11

Ërei aikuatía ko peve agüɨye vaerä peñemoïru jókuae che aporogüɨrovia ko jei vae iyaguasa pota vae ndive, ani imbaepotarai vae, ani itumpa-raanga pota vae, ani iyuru pochɨ vae, ikause ani imonda vae, jókuae nunga ndive agüɨye etei ekaru yepe.

1 Corintios 6:10

imonda vae reta, imbaepotarai vae reta, isavaɨpose vae reta, iyuru pochɨ vae reta ani oporombotavɨ vae reta ngaraa yogüɨreko Tumpa iporookuaía pe.

Gálatas 5:21

yeakatúä reta, yoyuka reta, savaɨpo reta, oasa ete okaru osavaɨpo reve vae, jare jeta ïru ikavimbae. Kuae reta re amombeu ma peve, kërai kuae nunga ikavimbae vae iyapoa reta ngaraa oike Tumpa iporookuaía pe.

DEUTERONOMIO 21:20

jare tei: ‘Kuae cheraɨ iñeereenduä yae jare ñäteɨ oyapo oreporookuai, mbaetɨ oipota oyapo roe chupegüe, ipɨa jeigüeño oyapo, isavaɨpose.’

Filipenses 3:19

kuae reta opata ko okañɨtei, jae reta ombotenonde ikavi chupe reta vaeño, oyembotuicha reta imarata tëi jese vae re. Oyemongeta reta mbaembae kuae ɨvɨ pegua reño.