PROVERBIOS 23:18 - Biblia Guarani Tumpa Iñee

¹⁸ jökorai yave reiko kavita mbaembae reä ro vae ngaraai oyemboai ndegüi.

PROVERBIOS 23:18 ပူးပေါင်းရင်းမြစ်များ

SALMOS 19:11

Jaeramiño vi che nderembiokuai ayemboarakuaauka pɨpe; ayapo yave, chemboyekou yae.

SALMOS 37:37

Emae jupi oiko vae re, echa oime yerovia katu jókuae kuimbae mbɨakatu rupi oiko vae pe.

SALMOS 58:11

Jayave jeita: ¡Añetete oime yepe mbae ikavi yae vae, jupi rupi oiko vae peguarä! ¡Añetete oime yepe Tumpa ɨvɨ pegua reta ojäa vae!

SALMOS 9:18

Ërei ngaraa iñakañɨ paravete vae reta güi, ngaraa vi paravete vae reta oiporara avei yogüɨreko.

PROVERBIOS 24:14

Jökoraita ko ndeve, reikuaa yave arakuaa; jókuae reväe yave, reiko kavi yaeta, jare mbaembae reäro vae ngaraai oyemboai ndegüi.

PROVERBIOS 24:20

Echa jeko kavimbae reta, ngaraa yogüɨreko kavi, ngaraa yogüɨreko puku iyoa vae reta.

JEREMÍAS 29:11

Echa che aikuaa yemongeta reta anoi pekotɨ vae: Yemongeta mbɨakatu pegua, mbaetɨ ikavimbae pegua, amee vaerä peve peäro peiko vae.

San Lucas 16:25

Ërei Abraham jei chupe: Cheraɨ, nemaendúa kërai nde reiko ɨvɨ pe yave, reyekou yepi jeta mbaembae re. Jökoraiño vi Lázaro oiko ɨvɨ pe yave, oiporara jeta ikavimbae vae. Ërei añave jae ipɨakatu oï kuae pe jare nde reiporara reï.

Filipenses 1:20

Körai oyeapota che aäro vae, echa jekuaeño aipota aiko chemarambae reve. Aipota aiko akɨɨyembae reve Cristo oyemboeteuka vaerä cherupi, aikove vae rupi ani amano vae rupi.

Hebreos 10:35

Jáeramo peyeko avei Tumpa re, echa jókuae tuicha rupi jekoviata peve;