PROVERBIOS 23:17 - Biblia Guarani Tumpa Iñee

¹⁷ Agüɨye ndepɨa pe emotareɨ iyoa vae reta; eipoɨu avei yandeYa güiño;

PROVERBIOS 23:17 ပူးပေါင်းရင်းမြစ်များ

SALMOS 111:10

YandeYa güi yaipoɨu vae re ko oï arakuaa katu; yarakuaa katu ko, opaete oyapo yandeYa iporookuai reta vae. ¡Tumpa oyemboete aveita ko!

PROVERBIOS 15:16

Ikaviño ko mbaravete, yaipoɨu reve yandeYa güi yave, oikokatu yae tëi reve ipɨatɨtɨ vae güi.

PROVERBIOS 24:1

Agüɨye ndeakatúä kuimbae jeko kavimbae reta re, agüɨye ave neïru pota jese reta,

PROVERBIOS 24:19

Agüɨye eyemoinge jeko kavimbae reta ipɨte pe, agüɨye ndeakatúä iyoa vae reta re.

PROVERBIOS 24:21

Cheraɨ, eipoɨu yandeYa güi jare mburuvicha guasu güi; agüɨye eyemoinge tovaicho reta ipɨte pe,

PROVERBIOS 28:14

Oyerovia ko Tumpa güiño oipoɨu avei vae, ërei ipɨa omotäta vae, oata ikavimbae pe.

PROVERBIOS 3:31

Agüɨye emotareɨ kuimbae jupimbae, agüɨye ave vi emomoe jeko reta;

ECLESIASTÉS 5:6

Agüɨye tandeyoa neñee rupi, agüɨye vaerä rere Tumpa jembiokuai jóvai: “Mbaetɨ aikuaa ramo ko ayavɨ.” ¿Maera pa Tumpa remboarasɨukata neñee jeko pegua jare omboai jókuae reyapogüe?

ECLESIASTÉS 5:7

Echa jeta yemongeta reyapo vae rupi jeta ñee reta mbaeä etei vae rere. Ërei jeseve nde, eipoɨu Tumpa güiño.

Hechos 9:31

Jayave opaete Judea rupi, Galilea rupi jare Samaria rupi, oporogüɨrovia vae reta yogüɨreko pɨagüive jare oñemomɨ̈rata reta oipoɨu kavi reve yandeYa güi, jare Espíritu Santo iporomborɨ rupi jekuaeño jeta oñemoïru.

2 Corintios 7:1

Jáeramo, cherɨvɨ reta, ñanoi ramboeve kuae morogüɨrökuavee reta. Yayetɨo opaete mbae ikavimbae vae yanderete pegua güi jare yandepɨa pegua güi. Jekuaeño ñañeñono tee Tumpa peguarä yaipoɨu reve chugüi.

1 Pedro 1:17

Jare Tumpa pe “cheRu” pere yave, peguata kavi opaete ara peikove peiko kuae ɨvɨ pe ramboeve; jae oporojäata opaete vae oyapo vae rupi.