PROVERBIOS 22:5 - Biblia Guarani Tumpa Iñee

⁵ Ipɨapochɨ vae jape, mbaemboavai katuai; ërei jekove re oyangareko vae, oyembosɨrɨ ko jókuae reta güi.

PROVERBIOS 22:5 ပူးပေါင်းရင်းမြစ်များ

JOB 18:8

Echa ñuai oñeñonota japerä pe, jare jókuae ñuai pe oyepɨɨukata.

SALMOS 11:6

Jeko kavimbae reta re ombouta mbaesusere tuicha vae, omongɨta jese reta tata azufre ndive, jare ɨvɨtuakuvo ombouta jese reta oapɨ vaerä. ¡YandeYa oiporaraukata chupe reta jeko re!

SALMOS 91:1

Nde, reiko Tumpa Tuichagüe yae ete vae iporoangareko igüɨ pe vae. Reiko Imbaepuere yae ete vae ipo pe.

PROVERBIOS 13:15

Iyemongeta ikavi vae, oporombopɨakatu, ërei oyembopɨapochɨ vae reta, oepeña kañɨtei.

PROVERBIOS 13:3

Iñee mbaetɨ omoë vae, ikavi vae ko oyapo iyeupe; ërei iñee omoë voi vae, iyeupeguarä aeño ko oyapo ikavimbae.

PROVERBIOS 15:19

Iyakɨ vae pe, tape yuu katuai ko; ërei jupi vae reta jape ikavi yae ko.

PROVERBIOS 16:17

Jupi vae reta jeko, jae ko osɨrɨ vaerä ikavimbae güi; oyangareko jeko re vae, jekove re ko oyangareko.

PROVERBIOS 19:16

Mborookuai oñovatu vae, jekove ko oñovatu; ërei mborookuai güɨröɨro vae, omanota ko.

PROVERBIOS 22:4

Ñañemomichi jare yaipoɨu yandeYa güi yave, ñanoita mbaeyekou, mboromboete jare tekove katu.

PROVERBIOS 29:6

Jeko kavimbae, oata iyoa pe aeño, ërei jupi rupi oiko vae, otairarita oyerovia reve.

PROVERBIOS 4:19

Ërei iyoa vae reta jape pɨtumimbi rami ko; ¡mbaetɨ oikuaa reta mbae re ko ipɨ̈sa-yeyuka retata vae!

JOSUÉ 23:13

peikuaa voi, yandeYa ngaraa ye ma oekɨ güɨnoe omombo perenonde güi kuae tëtaguasu reta, yogüɨreko retata peve ñuai rami, pepɨ̈sa-yeyuka rami jese reta vaerä, yogüɨreko retata chikote rami peve, yogüɨreko retata peve ñurati rami peresa peguarä, opa regua pekañɨtei kuae ɨvɨ kavi yandeYa Tumpa omee peve vae güi.

1 Juan 5:18

Tumpa güi güɨnoi tekove vae, yaikuaa mbaetɨ ko oyapo mbaeyoa. Echa Tumpa Taɨ etei oyangareko jese, jare aña guasu ngaraa opoko jese.