PROVERBIOS 22:29 - Biblia Guarani Tumpa Iñee

²⁹ Iparavɨkɨ oyapo kavi vae, oyeokuaita mburuvicha guasu pe, mbaetɨta oparavɨkɨ oipotagüe pe.

PROVERBIOS 22:29 ပူးပေါင်းရင်းမြစ်များ

GÉNESIS 41:38

Jayave Faraón jei iyɨvɨrigua reta pe: —¿Kia pe ye pa ñaväeta kuae kuimbae rami vae, Tumpa iespíritu oï jese vae?

GÉNESIS 41:46

José güɨnoi treinta año, güeru reta Faraón mburuvicha guasu Egipto pegua jóvai yave. Jare José oë Faraón jóvai güi jare opa omboapɨ oguata ɨvɨ Egipto.

GÉNESIS 47:6

Ɨvɨ Egipto ndepo pe ko oï; ɨvɨ Gosén emee nderu pe jare nderɨkeɨ reta pe yogüɨreko vaerä pɨpe, jare chugüi reta maangarekoa ikavi vae, peñono cherɨmba iyangarekoa itenondeguarä.

2 SAMUEL 2:32

Javoi oipɨɨ reta Asael jëogüegüe jare güɨraja reta oñotɨ tu jɨvɨa oïa pe, Belén pe. Jare jókuae pɨ̈tu Joab jare isundaro reta iköe oguata, jare köe ma yave opa yogüɨraja oväe reta Hebrón pe.

1 REYES 10:8

¡Oyerovia katu ko aipo ndeɨvɨrigua kuimbae reta, oyekou ko aipo ara ñavo ñogüɨnoi avei nderóvai vae reta, oendu ndearakuaa katu vae reta!

1 REYES 11:28

Jeroboam ko kuimbae jëia vae jare meteiño iyemongeta; Salomón oecha yave kuae kunumi jäta ngatu yae, omee ipo pe opaete José iñemuña reta.

1 CRÓNICAS 4:23

Kuae reta jae ko oñaeu-apo vae reta, jare yogüɨreko ko pe jare temitɨ pɨte pe, oyeokuai yogüɨreko mburuvicha guasu pe.

PROVERBIOS 10:4

Ipokoseä oparavɨkɨ vae, iparavete; ërei iparavɨkɨse vae, oikokatu.

PROVERBIOS 12:24

Jäta ngatu vae, oporookuaita; ërei iyakɨ vae oikota tembiokuairä.

PROVERBIOS 23:1

Reguapɨ rekaruta reï yave metei kuimbae tuichagüe ndive, emae kavi kia nunga jóvai ko reguapɨ reï vae.

ECLESIASTÉS 9:10

Opaete mbae renoi reyapo vaerä vae, eyapo ndepuere rupi; echa omanogüe reta ñogüɨnoia pe, jókuae reotaa pe, mbaetɨ etei mbae oyeapo, mbaetɨ mbaravɨkɨ, mbaetɨ yemboe tuichagüe, mbaetɨ arakuaa ave.

DANIEL 1:19

Jare mburuvicha guasu imiari jae reta ndive, jare oecha mbaetɨ ye oñeväe ïru vae reta ipɨte pe Daniel, Ananías, Misael jare Azarías rami vae; jökorai opɨta reta mburuvicha guasu pe oyeokuai reta vaerä.

DANIEL 1:4

kunumi reta jete kavi vae, kunumi kavi, opaete arakuaa reta re oyemboe vae, opaete yemboe reta pe iyarakuaa katu vae, ikavi yae oyeokuai reta vaerä mburuvicha guasu jo pe vae. Jare oyókuai vi omboe vaerä Caldeaɨgua reta iñee jare iyemboe reta re.

San Mateo 25:21

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

San Mateo 25:23

Jayave iya jei chupe: ‘Cherembiokuai ikavi vae, ikavi yae ko reyapogüe. Reyeokuai kavi cheve kuae mbovɨ vae re. Jáeramo ameeta jeta ndepo pe reyangareko vaerä jese, eyu eyerovia che ndive.’

Romanos 12:11

Peparavɨkɨ peakɨmbae reve. Peräta ngatu avei peyeokuai yandeYa pe.

2 Timoteo 4:2

emoërakua avei Tumpa iñee jare eñemoäta ngatu avei, eikuaauka kavi iyoa vae pe iyoa, jare emboeta chupe jese, eporomboarakuaa jare eporomboe ndepɨaguasu reve.

1 SAMUEL 16:21

Jare David ou Saúl pɨri, jare opɨta oyeokuai chupe, jare Saúl oaɨu yae David, jare oñono jembiporu ñeraro pegua ivoɨarä.

1 SAMUEL 17:31

Jare jókuae iparandu oendu vae reta omombeu Saúl pe, jare jae oenɨiuka.