PROVERBIOS 22:23 - Biblia Guarani Tumpa Iñee

²³ echa yandeYa oepɨta jókuae reta, oiporaraukata, jókuae oiporarauka chupe vae reta pe.

PROVERBIOS 22:23 ပူးပေါင်းရင်းမြစ်များ

SALMOS 103:6

YandeYa ko oporojäa jupi rupi, oyapo jupi rupi, oiporara vae reta peguarä.

SALMOS 12:5

YandeYa jei körai: “Paravete vae jare mbae re oata vae reta re peyuvanga. Jáeramo, añave apüata, aroasayepeta, oeka tëi oasayepe vaerä yogüɨreko vae.”

SALMOS 12:6

YandeYa iñee ikɨambae ko; ¡korepoti oyeambae rami ko, oyekɨa yoe kavi yae horno pe vae rami!

SALMOS 140:12

Aikuaa yandeYa oyapota jupi vae oiporara vae pe, jare mbae oata chupe vae pe.

SALMOS 140:13

Añetete, jupi vae reta omeeta mbaemboete ndeve, isɨmbi rupi yogüɨreko vae reta, yogüɨrekota nderóvai.

SALMOS 35:1

CheYa Tumpa, epüa oyovaicho chekotɨ vae reta re; eñeraro oñoraro che ndive vae reta ndive.

SALMOS 35:10

Opaete chepɨa ndive jaeta: “¿Kia pa nde rami cheYa? Reepɨ oikoasɨ katu vae, imbaepuere yae chugüi vae ipo güi; paravete vae jare mbae oata chupe vae, imbaeyuvanga katu vae güi.”

SALMOS 43:1

CheRu Tumpa, toyeapo cheve jupi vae; ¡chereepɨ iyoa vae reta güi! ¡Chereepɨ iyapu jare ipɨapochɨ vae reta güi,

SALMOS 68:5

Tumpa, oiko jo oñeñono tee vae pe vae, jae ko tɨ̈reɨ reta tu jare imemano vae reta jepɨa vae.

ÉXODO 22:22

Agüɨye metei ave imemano vae pe jare tɨ̈reɨ pe peiporarauka,

ÉXODO 22:23

echa peiporarauka chupe reta yave, jare ipɨatɨtɨ reve oyerure reta cheve yave, che aenduta chupe reta jókuae iyerure,

PROVERBIOS 21:7

Iyoa vae reta jeko pɨ̈chɨi rupi aeño oñemokañɨteita, mbaetɨ oipota jupi vae oyapo reta jeko pegua.

PROVERBIOS 23:11

echa jae reta jepɨa, jae ko Ipɨ̈rata yae vae, jae ko oëta jae reta ipoepɨka pe ndekotɨ.

ISAÍAS 33:1

¡Ndeparavete, nde remaepɨ̈ro avei vae, ërei mbaetɨ kia omaepɨ̈ro ndegüi! ¡Reyapo ikavimbae, ërei mbaetɨ kia oyapo ikavimbae ndeve! ¡Opa remaepɨ̈ro yave, oñepɨ̈rota vi mbae ndegüi, opa reyapo ikavimbae yave, oyeapota vi ikavimbae ndeve!

JEREMÍAS 30:16

Ërei opaete pemboai vae, oyemboaita, jare opaete perovaicho oyererajata tembipɨɨrä iɨvɨ güi; amboaiukata jókuae pemboai vae, opaete jókuae opɨ̈ro mbae pegüi vae, oñepɨ̈rota vi mbae chugüi reta.

JEREMÍAS 50:34

Ërei iyoraarä vae jae ko Imbaepuere yae vae; jae ko jee yandeYa Imbaepuere yae ete vae. Jae oyapota opaete mbae jupi vae chupe reta; güeruta mbɨakatu kuae tëtaguasu pe, ërei Babilonia pegua reta pe güeruta kɨɨye rai.”

JEREMÍAS 51:36

YandeYa jei: “Che ayapota ndeve jupi vae, aiporaraukata nderovaicho reta pe. Opaeteita ambondɨpa Babilonia güi ɨ̈aka reta jare ɨesaɨ reta.

MIQUEAS 7:9

Aropɨata yandeYa iyarasɨ; echa cheyoa ikotɨ, ojäa regua chereko jare chembojupi regua. Jae cherenoeta tembipe pe jare aechata iporombojupi.

HABACUC 2:8

Echa nde repɨ̈ro jeta mbaembae tëtaguasu reta güi, jáeramo tëtaguasu reta jembɨregüe oyomboatɨta ndekotɨ, omboepɨuka vaerä ndeve opaete reyukagüe, nepïrimbae tëta guasu reta re jare pɨpegua reta re vae re.

MALAQUÍAS 3:5

Jei yandeYa Imbaepuere yae ete vae: “Jare ayuta pekotɨ aporojäa vaerä; amoañete vaerä imbaekuaa vae reta jeko jare iyaguasa vae reta, yapu reve imiari vae reta, jembiokuai pe mbaetɨ omboepɨ kavi vae reta, imemano vae tɨ̈reɨ, jare ketɨgua pe jupimbae oyapo vae reta mbaetɨ reve oipoɨu reta chegüi.”

1 SAMUEL 24:12

¡YandeYa tiñanejäa, jare jae toyeepɨ nderé cheve! Ërei che mbaetɨta amopüa chepo nderé.

1 SAMUEL 24:15

YandeYa toiko ñanejäa vaerä ¡Jae toï omae vaerä añave kërai aï vae re, jae tachereepɨ ndegüi!”

1 SAMUEL 25:39

Jare David oikuaa yave Nabal omano, jei: —¡Toyemboete yandeYa, echa jae oyepɨ cheve Nabal ikavimbae oyapo cheve vae re! ¡Jae chereepɨ ikavimbae ayapota tëi vae güi, Jare yandeYa etei oitɨ Nabal re jembiapo ikavimbae! Kuae jaɨkue rupi David omondo omomiari Abigail, güeru vaerä jae jembirekorä.